ଆରଡି : ବାବା ଆଖଣ୍ଡଳମଣିଙ୍କ ଶ୍ରାବଣୀଯାତ୍ରା ଆସନ୍ତା ୨୨ ଅର୍ଥାତ ସୋମବାରରୁ ଆରମ୍ଭ ହେବ। ଏଥିପାଇଁ ଜିଲା ପ୍ରଶାସନ, ମନ୍ଦିର ପ୍ରଶାସନ ଓ ସେବାୟତଙ୍କ ପକ୍ଷରୁ ପ୍ରସ୍ତୁତି ଶେଷ ପ୍ରଯ୍ୟାୟରେ ପହଁଞ୍ଚିିଛି। ବିଶେଷକରି ଅଗଣିତ କାଉଁଡି ଭକ୍ତମାନେ ଯେପରି ସୁଚାର ରୂପେ ମଣିବାବାଙ୍କ ନିକଟରେ ଜଳ ଲାଗି କରିବେ ସେଥିପାଇଁ ଶୁକ୍ରବାର ଭଦ୍ରକ ଉପ ଜିଲାପାଳ ତଥା ମନ୍ଦିର ଟ୍ରଷ୍ଟି ପିତାମ୍ବର ସାମଲ, ଚାନ୍ଦବାଲି ତହସିଲିଦାର ସତ୍ୟଜିତ ରାଉତ, ଧୁଷୁରୀଥାନା ଅଧିକାରୀ ପ୍ରଫୁଲକୁମାର ସିଂ, ଆରଡି ଫାଣ୍ଡି ଅଧିକାରୀ ବ୍ରଜ କିଶୋର ଦାସ, ଆରଡି ଆର.ଆଇ ଦେବାଷିଶ ରାୟ, ମନ୍ଦିର ପରିଚାଳକ ବିଦ୍ୟାଧର ପଲାଇ ପ୍ରମୁଖ ମନ୍ଦିର ଚତୁଃପାର୍ଶ୍ବ ବୁଲି ଦେଖିବା ସହ କାଉଡିଆମାନଙ୍କ ରହଣି ନିମନ୍ତେ ଅସ୍ଥାୟୀ ଟେଣ୍ଡ ଓ ବ୍ୟାରିକେଡ ସର୍ମ୍ପକରେ ମନ୍ଦିର ପ୍ରଶାସନ ସହ ଆଲୋଚନା କରିଥିଲେ। ତାହାସହ ପୀଠରେ ଚଳିତ ବର୍ଷ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯିବା ସହିତ କାଉଁଡିଆ ଭକ୍ତମାନଙ୍କ ଜଳ ଲାଗି ପାଇଁ ସ୍ୱତନ୍ତ୍ର ଧାଡି ବ୍ୟବସ୍ଥା କରାଯିବ ବୋଲି ଆରଡି ଫାଣ୍ଡି ଅଧିକାରୀ ଶ୍ରୀ ଦାସ ପ୍ରକାଶ କରିଥିଲେ। ତାହାସହ ଜଳପଥ ଦେଇ ଆସୁଥିବା କାଉଁଡିଆମାନଙ୍କ ପାଇଁ ପୀଠରେ ଥିବା ୩ଟି ନଦୀଘାଟରେ ସୁରକ୍ଷା ବ୍ୟବସ୍ଥା କଡାକଡି କରାଯିବା ସହିତ ଅଗ୍ନିଶମ ବିଭାଗ ଓ ଓଡ୍ରାଫ ଟିମ ମୃତୟନ ରହିବେ ବୋଲି ଟ୍ରଷ୍ଟି ଶ୍ରୀ ସାମଲ ପ୍ରକାଶ କରିଥିଲେ। ସେହିପରି ସ୍ଥଳପଥ ଦେଇ ଆସୁଥିବା କାଉଁଡିଆମାନଙ୍କ ପାଇଁ ବିଭିନ୍ନ ଛକରେ ଟ୍ରାଫିକ ବ୍ୟବସ୍ଥା କଡାକଡି କରାଯିବା ସହିତ ବସ ଓ ଛୋଟ ଗାଡିରେ ଯେପରି ଭକ୍ତମାନେ ଓଭରଲୋଡିଂ ନହେବ ସେଥିପାଇଁ କଡା ନଜର ରଖାଯିବ ବୋଲି ଧୁଷୁରୀ ଥାନା ଅଧିକାରୀ ଶ୍ରୀ ସିଂ ପ୍ରକାଶ କରିଥିଲେ। ଏହି ସମୀକ୍ଷା ବୈଠକରେ ସେବାୟତ ଇଂ ସରୋଜ ପାଢୀ, ମୀନକେତନ ପାଢୀ, ସୁବାଷ ପାଢୀ, ବଙ୍କିମ ପାଢୀ, ନାରାୟଣ ପଣ୍ଡାଙ୍କ ସହ ବହୁ ସେବାୟତ ଉପସ୍ଥିତ ଥିଲେ।
Popular Categories
Previous article
Next article