ଅଯୋଧ୍ୟା : ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଫେବୃଆରୀ ୨୧ରେ ଶିଳାନ୍ୟାସ କରାଯିବ। ଦ୍ୱାରିକା ପୀଠ ଶଙ୍କରାଚାର୍ଯ୍ୟ ସ୍ୱରୁପାନନ୍ଦ ସରସ୍ୱତୀ ଏହି ଶିଳାନ୍ୟାସ କରିବେ। ପ୍ରୟାଗରାଜରେ ଚାଲିଥିବା କୁମ୍ଭ ମେଳା ମଧ୍ୟରେ ସନ୍ଥ ସମାଜ ପକ୍ଷରୁ ଶଙ୍କରାଚାର୍ଯ୍ୟ ସ୍ୱରୁପାନନ୍ଦ ଏହି ଘୋଷଣା କରିଛନ୍ତି।
ଘୋଷଣା ଅନୁସାରେ ଦ୍ୱାରିକା ପୀଠ ଶଙ୍କରାଚାର୍ଯ୍ୟ ଫେବୃଆରୀ ୧୭ରେ ପ୍ରୟାଗରୁ ଅଯୋଧ୍ୟା ଯାତ୍ରା କରିବେ। ଶଙ୍କରାଚାର୍ଯ୍ୟଙ୍କ ସହ ଅନ୍ୟ ସାଧୁସନ୍ଥମାନେ ପ୍ରତାପଗଡ଼ ଏବଂ ସୁଲତାନପୁର ରାସ୍ତା ଦେଇ ଫେବୃଆରୀ ୧୯ରେ ଅଯୋଧ୍ୟାରେ ପହଞ୍ଚିବେ। ଫେବୃଆରୀ ୨୦ରେ ସେଠାରେ ଏକ ବିଶାଳ ସମାବେଶ ଅୟୋଜନ କରାଯିବ ଓ ୨୧ରେ ଶିଳାନ୍ୟାସ କାର୍ଯ୍ୟ ସମାପ୍ତ ହେବ।
ନିକଟରେ ଶଙ୍କରାଚାର୍ଯ୍ୟ ଘୋଷଣା କରିଥିଲେ ଯେ ରାମ ମନ୍ଦିର ନିର୍ମାଣ ନେଇ ତାଙ୍କ ଅଯୋଧ୍ୟା କାର୍ଯ୍ୟକ୍ରମକୁ ସେ ବାତିଲ କରିବେ ନାହିଁ। ଜେଲ ଯିବାକୁ ସେ ଡରନ୍ତି ନାହିଁ। ଶଙ୍କରାଚାର୍ଯ୍ୟ ସ୍ୱରୁପାନନ୍ଦ ସମସ୍ତ ରାମଭକ୍ତଙ୍କୁ ଗୋଟିଏ ଗୋଟିଏ ଇଟା ନେଇ ଅଯୋଧ୍ୟାରେ ପ୍ରସ୍ତାବିତ ଶିଳାନ୍ୟାସ କାର୍ଯ୍ୟକ୍ରମରେ ପହଞ୍ଚିବାକୁ ନିବେଦନ କରିଛନ୍ତି। ଶଙ୍କରାଚାର୍ଯ୍ୟଙ୍କ ଦାବି ଅନୁସାରେ ତାଙ୍କୁ ସନ୍ଥ ସମାଜର ସମର୍ଥନ ରହିଛି। ଶଙ୍କରାଚାର୍ଯ୍ୟଙ୍କ ଏହି ଯାତ୍ରାକୁ ‘ଅଯୋଧ୍ୟା ପ୍ରସ୍ଥାନ’ ନାମ ଦିଆଯାଇଛି।
୨୧ରେ ରାମ ମନ୍ଦିର ଶିଳାନ୍ୟାସ କରିବେ ଦ୍ୱାରିକା ପୀଠ ଶଙ୍କରାଚାର୍ଯ୍ୟ
Popular Categories
Previous article
Next article