ଫୁଲବାଣୀ : ଖଜୁରୀପଡା ବ୍ଲକ ସଭାଗୃହଠାରେ ଖଜୁରୀପଡା ପୁଲିସ୍ ପକ୍ଷରୁ ଗଞ୍ଜେଇ ଚାଷ ରୋକିବା ଦିଗରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଏସଡିପିଓ ସୁପ୍ରସନ୍ନ ମଲିକ,ତହସିଲଦାର ସୌମ୍ୟ ରଞ୍ଜନ ପାତ୍ର, ଅତିରିକ୍ତ ତହସିଲଦାର ବ୍ରହ୍ମାନନ୍ଦ ଥାଟି ପ୍ରମୁଖ ଉପସ୍ଥିତ ରହି ଜନସାଧାରଣ ମାନଙ୍କୁ ସଚେତନ କରିଥିଲେ। ଏସଡିପିଓ ସୁପ୍ରସନ୍ନ ମଲ୍ଲିକ ନିଜ ଅଭିଭାଷଣ ମାଧ୍ୟମରେ କହିଛନ୍ତି ଯେ ଦିନକୁ ଦିନ ଗଞ୍ଜେଇ ଚାଷ ଜିଲ୍ଲାରେ ବୃଦ୍ଧି ପାଉଛି। ଗଞ୍ଜେଇ ଚୋରା ଚାଲାଣରେ ଆମ ଜିଲ୍ଲାର ଯୁବ ବର୍ଗ ସାମିଲ ହୋଇ ଜେଲ ଦଣ୍ଡ ଭୋଗୁଛନ୍ତି। ନିଶା କାରବାର ଯୋଗୁଁ ଦୁର୍ଘଟଣା ବଢୁଛି। ଜିଲ୍ଲାରେ ପ୍ରଚୁର ପରିମାଣରେ ଗଞ୍ଜେଇ ଚାଷ ହେଉଥିବା ଯୋଗୁଁ ଅପରାଧ ମଧ୍ୟ ବୃଦ୍ଧି ପାଉଛି। ତେଣୁ ଗାଁ ଗାଁରେ ସଚେତନତା ଶିବିର କରି ଗଞ୍ଜେଇ ଚାଷ ରୋକିବା ପାଇଁ ସରପଞ୍ଚ ,ରାଜସ୍ବ ବିଭାଗ ଏବଂ ଜଙ୍ଗଲ ବିଭାଗ ସହିତ ଜନସାଧାରଣଙ୍କ ସହଯୋଗ ଲୋଡ଼ିଛନ୍ତି । ଏବଂ ୪୭ ଧାରା ସମ୍ବନ୍ଧରେ ଅବଗତ କରିଛନ୍ତି । ଗଞ୍ଜେଇ ଚାଷ ଛାଡି ଅନ୍ୟ ଚାଷ କରିବା ପାଇଁ ଚାଷୀମାନଙ୍କୁ ଆହ୍ବାନ କରିଛନ୍ତି।
Comments are closed.