ନୂଆଦିଲ୍ଲୀ ..- ହିମାଚଳ ପ୍ରଦେଶରେ ଫେବୃଆରୀ ୨୦ତାରିଖରେ ହୋଇଥିବା ହିମସ୍ଖଳନରେ ସେନାର ୬ ଜଣ ଯବାନ ନିଖୋଜ ହୋଇଯାଇଥିଲେ । ହିମାଚଳ ପ୍ରଦେଶର କିନ୍ନାଉର ଜିଲାରେ ଏହି ହିମସ୍ଖଳନ ହୋଇଥିଲା । ଏହାପରେ ସେନା ପକ୍ଷରୁ ଯବାନମାନଙ୍କୁ ଖୋଜିବା କାମ ଆରମ୍ଭ ହୋଇଥିଲା । ହିମ ଗଦାତଳେ ସେମାନେ ଚାପି ହୋଇ ରହିଥିବା ସୂଚନା ମିଳିବା ପରେ ସେନା ପକ୍ଷରୁ ଖୋଳିବା କାମ ଆରମ୍ଭ ହୋଇଥିଲା । ୨୦ ଫୁଟ୍ ପର୍ଯ୍ୟନ୍ତ ବରଫକୁ ଖୋଳିବା ପରେ ନିଖୋଜ ଥିବା ଜଣେ ଯବାନଙ୍କ ମୃତ ଶରୀରକୁ ଉଦ୍ଧାର କରାଯାଇଛି । ଅନ୍ୟ ୫ ଜଣଙ୍କ ଖୋଜିବା କାମ ଜାରି ରହିଛି ବୋଲି ସେନା ପକ୍ଷରୁ ସୂଚନା ଦିଆଯାଇଛି ।
