ଆଠଗଡ: ଏକ ବଧୂହତ୍ଯା ମାମଲାର ବିଚାର କରି ଆଠଗଡ ଅତିରିକ୍ତ ଜିଲା ଓ ଦୌରାଜଜ ରାଜକୁମାର ଦାସ ଅଭିଯୁକ୍ତ ସ୍ବାମୀ ସମେତ ଶାଶୁ ଓ ଶ୍ବଶୁରଙ୍କୁ ଦୋଷୀ ସାବ୍ୟସ୍ତ କରି ଦଣ୍ଡବିଧାନ କରି ଶୁକ୍ରବାର ତାଙ୍କ ରାୟ ପ୍ରକାଶ କରିଛନ୍ତି ।
ଘଟଣାର ବିବରଣୀ ଅନୁଯାୟୀ ଖୁଣ୍ଟୁଣୀ ଥାନା ଅନ୍ତର୍ଗତ ରମ୍ପେଇ ଗ୍ରାମର ସୁରେଶ ଥାଟୋଇଙ୍କ ଝିଅ ସଂଯୁକ୍ତାଙ୍କର ବଡମ୍ବା ଥାନା ଅଧିନ ଶଶାଙ୍ଗ ଗ୍ରାମର ଇନ୍ଦ୍ରମଣି ପାଣିଙ୍କ ପୁଅ ରାମଚନ୍ଦ୍ରଙ୍କ ସହିତ ବୈଦିକ ରୀତି ଅନୁସାରେ ବାହାଘର ହୋଇଥିଲା ।
ବାହାଘର ସମୟରେ ବର ପକ୍ଷର ଦାବି ମୁତାବକ କନ୍ୟା ଘର ସମସ୍ତ ଆସବାବପତ୍ର ଦେଇଥିଲେ । ତେବେ ଅଧିକ ଯୌତୁକ ଦାବି କରି ଅଭିଯୁକ୍ତ ସ୍ଵାମୀ ରାମଚନ୍ଦ୍ର, ଶାଶୁ ସୁଶୀଳା ଓ ଶ୍ବଶୁର ଇନ୍ଦ୍ରମଣି ବୋହୁ ସଂଯୁକ୍ତାଙ୍କୁ ବାହାଘରର ଦେଢ ବର୍ଷ ମଧ୍ଯରେ ବିଭିନ୍ନ ସମୟରେ ଶାରୀରିକ ଓ ମାନସିକ ନିର୍ଯ୍ୟାତନା ଦେଇ ଆସୁଥିଲେ । ନିର୍ଯାତନା ଅସହ୍ୟ ହେବାରୁ ସଂଯୁକ୍ତାଙ୍କର ସଂଯୁକ୍ତାଙ୍କ ୨୦୧୫ ମସିହା ସେପ୍ଟେମ୍ବର ୧୧ ତାରିଖରେ ମୃତ୍ୟୁ ହୋଇଯାଇଥିଲା ।
ତେବେ ମୃତ୍ୟୁ ପୂର୍ବରୁ ସେହିଦିନ ଭୋର ୪.୩୦ ସମୟରେ ସ୍ୱାମୀ ଘର ପକ୍ଷରୁ ସଂଯୁକ୍ତାଙ୍କ ବାପଘରକୁ ଫୋନ ଯୋଗେ ଝିଅ ଦେହ ଖରାପ ଥିବା ଓ ଡାକ୍ତରଖାନାରେ ଚିକିତ୍ସିତ ହେଉଥିବା ସୂଚନା ଦିଆଯାଇଥିଲା । ବାପଘର ଲୋକ ପହଞ୍ଚିବା ବେଳକୁ ତାଙ୍କ ଝିଅର ମୃତ୍ୟୁ ହୋଇସାରିଥିଲା । ଏ ସମ୍ପର୍କରେ ସେହିଦିନ
(୧୧.୦୯.୨୦୧୫) ଝିଅର ବାପା ସୁରେଶ ବଡମ୍ବା ଥାନାରେ ଏକ ଏତଲା ଦେଇଥିଲେ ।
ପୁଲିସ ତଦନ୍ତ କରି ଅଦାଲତରେ ଦାଖଲ କରିଥିବା ଅଭିଯୋଗ ଫର୍ଦ୍ଦ ଓ ସମସ୍ତ ସାକ୍ଷ ପ୍ରମାଣ ଆଧରରେ ଏବଂ ଅତିରିକ୍ତ ପିପି ଶରତ କୁମାର ଦାଶଙ୍କ ବଳିଷ୍ଠ ଯୁକ୍ତିକୁ ଗ୍ରହଣ କରି ଏଡିଜେ ଶ୍ରୀ ଦାସ ସ୍ବାମୀ, ଶାଶୁ ଓ ଶ୍ବଶୁରଙ୍କୁ ଦୋଷୀ ସାବ୍ୟସ୍ତ କରିଥିଲେ । ଶୁକ୍ରବାର ପ୍ରକାଶିତ ରାୟରେ ଅତିରିକ୍ତ ଜିଲ୍ଲା ଓ ଦୌରାଜଜ ସମସ୍ତ ଅଭିଯୁକ୍ତଙ୍କୁ ୭ ବର୍ଷ ସଶ୍ରମ କାରାଦଣ୍ଡ ଏବଂ ୧୦ ହଜାର ଟଙ୍କା ଓ ଅନ୍ଯ ଦଫାରେ ୫ହଜାର ଟଙ୍କା ଜୋରିମନା ଦଣ୍ଡବିଧାନ କରିଥିବା ଜଣାପଡିଛି । ସରକାରଙ୍କ ପକ୍ଷରୁ ଅତିରିକ୍ତ ପବ୍ଲିକ ପ୍ରୋଜେକ୍ଟର ଶରତ କୁମାର ଦାଶ ମାମଲାଟିକୁ ପରିଚାଳନା କରୁଥିଲେ ।
Comments are closed.