ଆସାମ: ଆସାମ ସରକାର ରାଜ୍ୟରେ ଥିବା ୩୧୬ଟି ପର୍ଯ୍ୟଟନ ସ୍ଥଳୀର ଉନ୍ନତି କରଣ ପାଇଁ ପଦକ୍ଷେପ ନେଇଛନ୍ତି। ଏକ ଆଲୋଚନାରେ ଭାଗ ନେଇ ଆସାମ ପର୍ଯ୍ୟଟନ ବିକାଶ ନିଗମ ପରିଚାଳନା ନିର୍ଦ୍ଦେଶକ ଭାଷ୍କର ଫୁକନ୍ କହିଛନ୍ତି, ଆସାମ ଦର୍ଶନ ଯୋଜନା ଅଧୀନରେ ଏହିସବୁ ପର୍ଯ୍ୟଟନ ସ୍ଥଳୀର ବିକାଶ ପାଇଁ ଦେଢ଼ଶହ କୋଟି ଟଙ୍କା ଖର୍ଚ୍ଚ କରାଯିବ।
ସେ କହିଛନ୍ତି, ରାଜ୍ୟର ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକରେ ଶୌଚାଳୟ ବ୍ୟବସ୍ଥା, ବର୍ଜ୍ୟବସ୍ତୁ ପରିଚାଳନା, ପାନୀୟ ଜଳ ଯୋଗାଣ ଏବଂ ପ୍ରତିକ୍ଷାଳୟ ନିର୍ମାଣ କରାଯିବ। ଫୁକନ୍ ଆହୁରି ମଧ୍ୟ କହିଛନ୍ତି, ଆସାମରେ ନଦୀ ପର୍ଯ୍ୟଟନର ବିକାଶକୁ ଦୃଷ୍ଟିରେ ରଖି ବ୍ରହ୍ମପୁତ୍ରର ବିକାଶ କରାଯିବ। ପର୍ଯ୍ୟଟନ ବିକାଶ କ୍ଷେତ୍ରରେ କୌଶଳ ବିକାଶ ପାଇଁ ପ୍ରଶିକ୍ଷଣ ବ୍ୟବସ୍ଥା କରାଯାଇଥିବା ସେ କହିଛନ୍ତି।
