ଶ୍ରୀନଗର : ଜାମ୍ମୁ-କାଶ୍ମୀରର ରାଜୌରି ଜିଲା ନର୍ଲା ଅଞ୍ଚଳରେ ଆତଙ୍କବାଦୀଙ୍କ ସହିତ ସଂଘର୍ଷରେ ସେନାର ଏକ କୁକୁର ସହିଦ ହୋଇଛି। ସହିଦ କୁକୁରର ନାମ ହେଉଛି କେଣ୍ଟ।
ଏହାର ବୟସ ୬ବର୍ଷ ଓ ଲାବ୍ରାଡର ପ୍ରଜାତିର। କେଣ୍ଟ ୨୧ ସେନା ୟୁନିଟ୍ରେ କାର୍ଯ୍ୟରତ ଥିଲା। ମଙ୍ଗଳବାର ଗୁଳିବିନିମୟ ସମୟରେ କେଣ୍ଟ ସେନାର ଯବାନଙ୍କୁ ଲୁଚି ରହିଥିବା ଆତଙ୍କବାଦୀଙ୍କ ଆଡକୁ ବାଟ କଢାଇ ନେଉଥିଲା।
ଏହି ସମୟରେ କେଣ୍ଟ ଆତଙ୍କବାଦୀଙ୍କ ଗୁଳିର ଶିକାର ହୋଇଥିଲା। ଏହି ଗୁଳିବିନିମୟରେ ଦୁଇ ପାକିସ୍ତାନୀ ଆତଙ୍କବାଦୀ ନିପାତ ହୋଇଛି। ଏହା ସହିତ ସେନାର ଦୁଇଜଣ ଯବାନଙ୍କ ସମେତ ୩ଜଣ ସୁରକ୍ଷାକର୍ମୀ ଆହତ ହୋଇଛନ୍ତି।
ଆତଙ୍କବାଦୀଙ୍କ ଆକ୍ରମଣରେ କେର୍ଣ୍ଣଲ, ମେଜର ଓ ଡିଏସପିଙ୍କ ସହିତ ୪ ସହିଦ
-କାଶ୍ମୀରର ଅନନ୍ତନାଗ ଜିଲାରେ ବୁଧବାର ଆତଙ୍କବାଦୀଙ୍କ ସହିତ ଗୁଳିବିନିମୟରେ ତିନିଜଣ ସୁରକ୍ଷା ଅଧିକାରୀ ସହିଦ ହୋଇଛନ୍ତି। ସହିଦ ଅଧିକାରୀମାନେ ହେଲେ ସେନାର କେର୍ଣ୍ଣଲ ମନପ୍ରୀତ ସିଂହ, ମେଜର ଆଶିଷ ଧୋନଚକ ଓ ଜାମ୍ମୁ-କାଶ୍ମୀର ପୁଲିସର ଡିଏସପି ହୁମାୟୁନ ଭଟ୍ଟ। ଏହି ତିନିଜଣ ସୁରକ୍ଷାକର୍ମୀ ଆତଙ୍କବାଦୀଙ୍କ ଗୁଳିରେ ଗୁରୁତର ଆହତ ହୋଇଥିଲେ। ମାତ୍ର ଚିକିତ୍ସାଧୀନ
ସମୟରେ ସେମାନଙ୍କର ମୃତ୍ୟୁ ହୋଇଥିଲା। ମଙ୍ଗଳବାର ରାତିରୁ ଗାରୋଳ ଅଞ୍ଚଳରେ ଆତଙ୍କବାଦୀଙ୍କ ବିରୋଧରେ ସୁରକ୍ଷାକର୍ମୀଙ୍କ ଅଭିଯାନ ଆରମ୍ଭ ହୋଇଥିଲା। ଅଭିଯାନର ନେତୃତ୍ବ ନେଇଥିଲେ ୧୯ ରାଷ୍ଟ୍ରୀୟ ରାଇଫଳର କେର୍ଣ୍ଣଲ ମନପ୍ରୀତ ସିଂହ। ମଙ୍ଗଳବାର ରାତିରେ ଅଭିଯାନ ସାମୟିକ ବନ୍ଦ ପରେ ବୁଧବାର ସକାଳେ ପୁଣି ଅଭିଯାନ ଆରମ୍ଭ ହୋଇଥିଲା। ଅଭିଯାନ ସମୟରେ କେର୍ଣ୍ଣଲ ସିଂହ ଓ ଅନ୍ୟ ଦୁଇ ଅଧିକାରୀ ଗୁରୁତର ଆହତ ହୋଇଥିଲେ। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ସେମାନଙ୍କର ମୃତ୍ୟୁ ହୋଇଥିଲା। ଏହି ଆକ୍ରମଣ ପାଇଁ ପାକିସ୍ତାନର ଆତଙ୍କବାଦୀ ସଂଗଠନ ଲସ୍କର-ଇ-ତୋଇବାର ପ୍ରତିରୋଧ ବାହିନୀ (ରେଜିଷ୍ଟାନ୍ସ ଫୋର୍ସ) ନିଜକୁ ଦାୟୀ କରିଛି। ରେଜିଷ୍ଟାନ୍ସ ଫୋର୍ସକୁ ଜାମ୍ମୁ-କାଶ୍ମୀରରେ ନିଷିଦ୍ଧ କରାଯାଇଛି।
ଅନ୍ୟପଟେ ମଙ୍ଗଳବାର ରାତିରେ ରାଜୌରି ଜିଲାର ନର୍ଲା ଅଞ୍ଚଳରେ ହୋଇଥିବା ଏକ ଗୁଳିବିନିମୟରେ ସେନାର ଜଣେ ଯବାନ ସହିଦ ହୋଇଥିଲେ। ସହିଦ ଯବାନ ହେଉଛନ୍ତି ରବି। ଏହି ଘଟଣାରେ ଦୁଇଜଣ ଆତଙ୍କବାଦୀ ପ୍ରାଣ ହରାଇଥିଲେ।
.
Comments are closed.