ଡେସ୍କ: ଶିବଖୋଡି ଅଭିମୁଖେ ଯାଉଥିବା ତୀର୍ଥଯାତ୍ରୀଙ୍କ ବସ୍ ଉପରେ ଆତଙ୍କବାଦୀ ଆକ୍ରମଣ ପରେ ଭାରତୀୟ ସେନା ଆତଙ୍କବାଦୀଙ୍କୁ ଧରିବା ପାଇଁ ଅଭିଯାନକୁ ଜୋରଦାର୍ କରିଛି। ସେନା ଓ ସିଆରପିଏଫର ୧୧ଟି ଦଳ ରିୟାସି ଜଙ୍ଗଲକୁ ଚାରିପଟୁ ଘେରାବନ୍ଦୀ କରି ତଲାସୀ ଅଭିଯାନ ଜାରି ରଖିଛନ୍ତି।
ତୀର୍ଥଯାତ୍ରୀ ବସ୍ ଉପରେ ଆକ୍ରମଣ ପରେ ଆତଙ୍କବାଦୀ ମାନେ ରିୟାସି ଜଙ୍ଗଲ ଆଡକୁ ପଳାୟନ କରିଥିଲେ। ଏହି ଆତଙ୍କବାଦୀ ମାନଙ୍କୁ ଧରିବା ପାଇଁ କମାଣ୍ଡୋଙ୍କୁ ତଲାସୀ ଅଭିଯାନରେ ଲଗାଯାଇଛି। ଡ୍ରୋନ୍ ସହାୟତାରେ ମଧ୍ୟ ତଲାସୀ ଅଭିଯାନ ଜାରି ରହିଛି। ରବିବାର ଜମ୍ମୁ-କାଶ୍ମୀରର ଶିବଖୋଡି ଅଭିମୁଖେ ଯାଉଥିବା ତୀର୍ଥଯାତ୍ରୀଙ୍କ ବସ୍ ଉପରେ ଆତଙ୍କବାଦୀମାନେ ଆକ୍ରମଣ କରିଥିଲେ। ଏଥିରେ ୯ ଜଣଙ୍କ ମୃତ୍ୟୁ ହୋଇଥିଲା। ଆକ୍ରମଣରେ ୪୧ ଜଣ ଆହତ ହୋଇଥିଲେ।
Comments are closed.