ବାସୁଦେବପୁର: ଭଦ୍ରକ ଜିଲ୍ଲା ବାସୁଦେବପୁର ଥାନା ଅଧୀନରେ ବଡ଼ ଧରଣର ଡକାୟତି । ଥାନା ଅଧୀନ ପଢୁଆଁ ପଞ୍ଚାୟତର ପଢୁଆଁ ବଜାରରେ ରହୁଥିବା ପୂର୍ଣ୍ଣଚନ୍ଦ୍ର ମିଶ୍ରଙ୍କ ଘରେ ମଙ୍ଗଳବାର ସଂଧ୍ୟାରେ ସଶସ୍ତ୍ର ଡକାୟତି ହୋଇଛି ଯାହା କି ସମଗ୍ର ଅଞ୍ଚଳରେ ହଇଚଇ ସୄଷ୍ଟି କରିଛି । ଘରେ କୌଣସି ମୁରବି କିମ୍ବା ପୁରୁଷ ନଥିବା ସୁଯୋଗ ପାଇ ଡକାୟତ ଦଳ ଘରେ ପଶିଥିଲେ । ଏହି ସମୟରେ ଘରେ ଥିବା ମହିଳାଙ୍କ ମୁହଁରେ କଳାପଟି ବାନ୍ଧି ଦେଇଥିଲେ । ପରେ ଆଲମିରା ଠୁ ନେଇ ସମସ୍ତ ଆସବାବା ପତ୍ର ଛିନଛତ୍ର କରି ପକାଇଥିଲେ । ଗୋଟି ଗୋଟି କରି ସବୁ କିଛି ଖୋଳିତାଡ଼ି କଳାକନା ବୁଲାଇବା ପରେ ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି ଡକାୟତ ଗ୍ୟାଙ୍ଗ । ଡକାୟତି ପରେ ପୀଡିତା ନିଜ ପରିବାର ଲୋକଙ୍କୁ ଫୋନ୍ କରି ଜଣାଇଥିଲେ । ପରେ ପରିବାର ଲୋକେ ଥାନାକୁ ଫୋନ କରି ଡକାୟତି ସଂପର୍କରେ ଅବଗତ କରାଇଥିଲେ । ଘଟଣା ସ୍ଥଳରେ ଅନନ୍ତପୁର ଥାନା ପୋଲିସ ଓ ବାସୁଦେବପୁର ଥାନା ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ପୀଡିତାଙ୍କ ବୟାନ ଅନୁସାରେ ଡକାୟତିରେ ଏକାଧିକ ଡକାୟତ ସଂପୃକ୍ତ ଥିଲେ ।
Popular Categories
Previous article
Next article