ଆଲିଗଡ : ଆଲିଗଡ ମୁସଲିମ୍ ବିଶ୍ୱବିଦ୍ୟାଳୟରେ ପୁଣିଥରେ ବିବାଦ ଦେଖାଯାଇଛି। ବିଶ୍ୱବିଦ୍ୟାଳୟ ପରିସରରେ ଲାଗିଥିବା ଏକ ପୋଷ୍ଟରକୁ ନେଇ ଏହି ବିବାଦ ଉପୁଜିଛି। ପୋଷ୍ଟରରେ ଏକ ଭାରତ ମାନଚିତ୍ର ରହିଛି ଯେଉଁଥିରେ କାଶ୍ମୀରକୁ ଭାରତର ଅଂଶ ଭାବେ ବିବେଚନା କରାଯାଇନାହିଁ। ବିଶ୍ୱବିଦ୍ୟାଳୟର କିଛି ଛାତ୍ର ଭାରତ ବିଭାଜନକୁ ନେଇ ଏକ ନାଟକ ମଞ୍ଚସ୍ଥ କରିବାପାଇଁ ପ୍ରସ୍ତୁତି କରିଥିଲେ। ଯେଉଁଥିରେ ଏହି ପୋଷ୍ଟର ବ୍ୟବହାର କରାଯାଇଥିଲା। ବିଶ୍ୱବିଦ୍ୟାଳୟ ଲୋକ ସମ୍ପର୍କ ଅଧିକାରୀଙ୍କ କହିବା ଅନୁସାରେ, ଏହି ନାଟକର ଦାୟିତ୍ୱ ନେଇଥିବା ଅଧ୍ୟାପକଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ସମ୍ପୃକ୍ତ ନାଟକ ମଞ୍ଚସ୍ଥକୁ ବାତିଲ କରାଯାଇଛି। ଏହି ପୋଷ୍ଟର କୌଣସି ରାଜନୈତିକ ଉଦେଶ୍ୟ ରଖି କରାଯାଇନଥିବା ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି। ମିଳିଥିବା ସୂଚନା ଅନୁସାରେ ଅସଗର ବଜାହତଙ୍କ ରଚିତ ପୁସ୍ତକ ‘ଜିନ ଲାହୋର ନେହିଁ ବେଖ୍ୱା ଓ ଜନ୍ମୟାଇ ନଇ’ର ଏକ ଅଂଶକୁ ବିଶ୍ୱବିଦ୍ୟାଳୟରେ ମଞ୍ଚସ୍ଥ କରିବାକୁ ଯୋଜନା ରଖାଯାଇଥିଲା। ଏହି ପୁସ୍ତକ ଭାରତ-ପାକିସ୍ତାନ ବିଭାଜନ ଉପରେ ଆଧାରିତ।
Popular Categories
Previous article
Next article