ସମାଜ ଡିଜିଟାଲ ଡେସ୍କ: ପଞ୍ଜାବ ଅମୃତସରରେ ଅଭାବନୀୟ ଘଟଣା । ଅମୃତସର ଜିଲ୍ଲା ମଜୀଠାରେ ବିଷାକ୍ତ ମଦ ପିଇବା ଯୋଗୁଁ ୧୪ଜଣଙ୍କ ଜୀବନ ଯାଇଛି । ୬ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନେ ଚିକିତ୍ସାଧୀନ ଅଛନ୍ତି । ଏହି ଘଟଣା ମଜୀଠା ନିକଟସ୍ଥ ଭଙ୍ଗାଲି ଗାଁ ଏବଂ ଏହାର ଆଖପାଖ ଅଞ୍ଚଳରେ ଘଟିଛି ।
ସୂଚନା ଅନୁସାରେ ବିଷାକ୍ତ ମଦ ପିଇବା ଯୋଗୁଁ ୧୪ଜଣଙ୍କ ଜୀବନ ଯାଇଥିବା ବେଳେ ଆଗକୁ ଆହୁରି ମୃତ୍ୟୁ ସଂଖ୍ୟ ବୃଦ୍ଧି ପାଇବା ଆଶଙ୍କା ରହିଛି । ଅମୃତସର ଜିଲ୍ଲାର ଭୁଲ୍ଲର, ଟାଙ୍ଗରା ଏବଂ ସନ୍ଧା ଗାଁରେ ଅନେକ ଲୋକ ଏହି ବିଷାକ୍ତ ମଦ ପିଇଥିଲେ । ଏହାପରେ ତାଙ୍କର ସ୍ୱାସ୍ଥ୍ୟାବସ୍ଥା ଖରାପ ହେବାରୁ ମେଡିକାଲରେ ଭର୍ତ୍ତି କରାଯାଇଥିଲା । ପ୍ରଶାସନ ପକ୍ଷରୁ ୧୪ଜଣଙ୍କ ମୃତ୍ୟୁ ହୋଇଥିବା କୁହାଯାଇଛି । ମୃତକ ସମସ୍ତେ ଶ୍ରମିକ ବୋଲି ସୂଚନା ମିଳିଛି ।
