ଅମ୍ପନ ମୁକାବିଲା: ରାଜ୍ୟ ସରକାରଙ୍କୁ ମୋଦୀଙ୍କ ପ୍ରଶଂସା; ସହାୟତା ଦେବାକୁ ଶାହାଙ୍କ ପ୍ରତିଶ୍ରୁତି

ନୂଆଦିଲ୍ଲୀ: ସାମୁଦ୍ରିକ ବାତ୍ୟା ଅମ୍ପନ ଓଡ଼ିଶାରେ ବିଶେଷ ପ୍ରଭାବଶାଳୀ ହୋଇପାରି ନାହିଁ । ୫ଟି ଜିଲାରେ ଛାଡ଼ି ଯାଇଛି ରାମ୍ପୁଡ଼ା ଚିହ୍ନ । ବାଲେଶ୍ବର ଓ ଭଦ୍ରକ ଜିଲାରେ କିଛିଟା ବଡ଼ଧରଣର ପ୍ରଭାବ ପଡ଼ିଛି । ମାତ୍ର ଏହି ଝଡ଼ର ମୁକାବିଲା ନିମନ୍ତେ ରାଜ୍ୟର ପ୍ରସ୍ତୁତିକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଓଡ଼ିଶା ସାହସର ସହ ’ଅମ୍ପନ’ ମୁକାବିଲା କରୁଥିବାବେଳେ ଓଡ଼ିଶାବାସୀଙ୍କ ସହ ମୋର ଭାବନା ରହିଛି । ପ୍ରଶାସନ ପ୍ରଭାବିତଙ୍କୁ ସହାୟତା ଯୋଗାଇ ଦେବାକୁ ତୃଣମୂଳସ୍ତରରେ କାର୍ଯ୍ୟ କରୁଛି ଏବଂ ସ୍ବାଭାବିକ ସ୍ଥିତି ଅତିଶୀଘ୍ର ଫେରି ଆସିବ ବୋଲି ଆଶା ରହିଛି ବୋଲି ଟ୍ବିଟ୍ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।

My thoughts are with the people of Odisha as the state bravely battles the effects of Cyclone Amphan. Authorities are working on the ground to ensure all possible assistance to the those affected. I pray that the situation normalises at the earliest.

— Narendra Modi (@narendramodi) May 21, 2020

ଅନ୍ୟପକ୍ଷରେ ଓଡ଼ିଶାର କ୍ଷତି ଓ କ୍ଷତ ଭରଣା ନିମନ୍ତେ ସମସ୍ତ ସହଯୋଗ ଯୋଗାଇ ଦିଆଯିବ ବୋଲି ଗୃହମନ୍ତ୍ରୀ କହିଛନ୍ତି । ନିଜ ଟ୍ବିଟରରେ ଶ୍ରୀ ଶାହା କହିଛନ୍ତି ଯେ ଅମ୍ପନ ମୁକାବିଲା ପ୍ରସ୍ତୁତି ନିମନ୍ତେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ କଥାବାର୍ତା କରିଥିଲେ ଓ କ୍ଷୟକ୍ଷତି ସମ୍ପର୍କରେ ମଧ୍ୟ ଆଜି ଆଲୋଚନା କରିଛନ୍ତି । ଏ ସମ୍ପର୍କରେ ରାଜ୍ୟ ସରକାରଙ୍କୁ ଆବଶ୍ୟକ ସହଯୋଗ ଯୋଗାଇ ଦିଆଯିବ ବୋଲି ଶ୍ରୀ ଶାହା କହିଛନ୍ତି ।

We are closely monitoring the cyclone Amphan and are in continuous touch with concerned authorities.

I have also spoken to CM Odisha, Shri Naveen Patnaik ji & CM West Bengal, Mamata Banerjee ji over situation arising due to the cyclone and assured all possible help from centre.

— Amit Shah (@AmitShah) May 21, 2020