ନୂଆଦିଲ୍ଲୀ: ଆମେରିକାରେ ଗୁଳିକାଣ୍ଡ ଘଟଣା ଥମିବାର ନାଁ ନେଉନାହିଁ। ଲଗାତାର ଗୁଳିମାଡରେ ଲୋକଙ୍କ ଜୀବନ ଯାଉଛି। ଆମେରିକା ମିସୋରିର କାନସାସ୍ ସହରରେ ଏକ ରାଲି ସମୟରେ ଗୁଳିମାଡ ହୋଇଛି। ଏଥିରେ ଜଣଙ୍କର ମୃତ୍ୟୁ ଘଟିଥିବାବେଳେ ୨୨ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ୨୨ ଆହତଙ୍କ ମଧ୍ୟରେ ଦୁଇ ଜଣ ଶିଶୁ ଥିବା ଜଣାପଡିଛି। ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି। ସୂଚନା ମୂତାବକ ଗତ ରବିବାର ଦିନ ସୁପର ବୋଲର ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିଲା। ଏହି ମ୍ୟାଚରେ କାନସାସ୍ ସିଟି ଟିମ୍ ବିଜୟୀ ହୋଇଥିଲା। ଏହି ବିଜୟ ଉତ୍ସବ ମନାଇବା ଲାଗି ସହରରେ ଏକ ରାଲି ଆୟୋଜିତ ହୋଇଥିଲା। ଏହି ରାଲିରେ ଶହ ଶହ ଲୋକ ଭାଗ ନେଇଥିଲେ। ରାଲି ସମୟରେ କେହି ଦୁର୍ବୁତ୍ତ ଆସି ଆଖି ବୁଜା ଗୁଳି ଚଳାଇଥିଲା। ଗୁଳି ଶଦ୍ଦ ଶୁଣି ଲୋକମାନେ ଏଣେତେଣେ ଦୌଡିବାକୁ ଲାଗିଲେ। ଖବର ପାଇ ସୁରକ୍ଷାକର୍ମୀମାନେ ଘଟଣାସ୍ଥଳରେ ପହଞ୍ଚିଥିଲେ । ପୁଲିସ ଏହି ଘଟଣାରେ ୩ ଜଣଙ୍କୁ ଗିରଫ କରିଥିବା ସୂଚନା ମିଳିଛି।
Comments are closed.