ବଲାଙ୍ଗୀର: ରାସ୍ତାରେ ଭିଡ଼ ଯୋଗୁ ଫସିଗଲା ଆମ୍ବୁଲାନ୍ସ। ପ୍ରାୟ ୪ ଘଣ୍ଟା ଧରି ଆମ୍ବୁଲାନ୍ସଟି ରାସ୍ତାରେ ଅଟକି ରହିଥିଲା। ଏଭଳି ଅପ୍ରୀତିକର ଘଟଣା ଘଟିଛି ବଲାଙ୍ଗୀର ଜିଲା ଟିଟିଲାଗଡ଼ ରାସ୍ତାର ସିମନଖାଲ ନିକଟରେ। କାଳିଆ ସମାବେଶରେ ଯୋଗଦେବା ଲାଗି ଲୋକମାନେ ଯାଉଥିବାବେଳେ ରାସ୍ତାରେ ଗହଳି ହୋଇଥିଲା। ଏହି ସମୟରେ ଟିଟିଲାଗଡ଼ ଉପଖଣ୍ଡ ଡାକ୍ତରଖାନାରୁ ରୋଗୀ ନେଇ ବଲାଙ୍ଗୀର ଯାଉଥିବା ଆମ୍ବୁଲାନ୍ସଟି ଗହଳିରେ ଫସିଯାଇଥିଲା। ଖବର ପାଇ ପୋଲିସ ପହଞ୍ଚି ଭିଡ଼ ନିୟନ୍ତ୍ରଣ କରିଥିଲା। ଦୀର୍ଘ ୪ଘଣ୍ଟା ପରେ ଆମ୍ବୁଲାନ୍ସଟି ଯାଇଥିଲା।