ଦେଖନ୍ତୁ ଭିଡିଓ: ରାସ୍ତାରେ ବୁଲିଲା ବିରାଟ କୁମ୍ଭୀର

ସମାଜ ଡିଜିଟାଲ ଡେସ୍କ: ନଦୀ, ହ୍ରଦ କିମ୍ବା ଚିଡ଼ିଆଖାନାରେ କୁମ୍ଭୀର ଦେଖିବାକୁ ମିଳିଥାଆନ୍ତି। କିନ୍ତୁ ହଠାତ ରାସ୍ତାରେ କୁମ୍ଭୀର ବୁଲୁଥିବାର ଦେଖିଲେ ଯେକେହି ବି ଆଶ୍ଚର୍ଯ୍ୟଚକିତ ହେବେ ନିଶ୍ଚୟ। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ମହାରାଷ୍ଟ୍ରର କୋଙ୍କଣ ଅନ୍ତର୍ଗତ ଚିପଲୁନ ଅଞ୍ଚଳରେ। ରବିବାର ସନ୍ଧ୍ୟାରେ ବର୍ଷା ପରେ ପରେ ଚିପଲୁନର ଏକ ବ୍ୟସ୍ତବହୁଳ ରାସ୍ତାରେ ହଠାତ କୁମ୍ଭୀର ଚାଲୁଥିବାର ଦେଖିବାକୁ ମିଳିଥିଲା, ଯାହାଫଳରେ ସେହି ରାସ୍ତା ଦେଇ ଯାଉଥିବା ପଥଚାରୀ ଏବଂ ଗାଡ଼ିମୋଟର ଅଟକି ରହିବାକୁ ବାଧ୍ୟ ହୋଇଥିଲେ। ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା। ଏହାର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି।

महाराष्ट्र : रत्नागिरी इलाके में मगरमच्छ के सड़क पर घूमने का वीडियो वायरल हो रहा है, आशंका है कि मगरमच्छ शिव नदी से आया होगा. इस बीच इलाके में खौफ का माहौल है.#maharashtra | #crocodile | #ratnagiri pic.twitter.com/H9fZMWjGnI

— NDTV India (@ndtvindia) July 1, 2024

ଏହି ଅଞ୍ଚଳରେ ଜଳାଶୟଗୁଡ଼ିକରେ କୁମ୍ଭୀରଙ୍କ ସଂଖ୍ୟା ଅଧିକ ଥିବାରୁ ଅନେକ ସମୟରେ ସେମାନେ ରାସ୍ତାଘାଟକୁ ଚାଲିଆସୁଥିବା ପ୍ରତ୍ୟକ୍ଷଦର୍ଶୀ କହିଛନ୍ତି। ଏ ନେଇ ଅଞ୍ଚଳବାସୀଙ୍କ ପକ୍ଷରୁ ପ୍ରଶାସନ ନିକଟରେ ଅନେକ ଥର ଅଭିଯୋଗ କରାଯାଇଛି। ସ୍ଥାନୀୟ ବନ୍ୟଜନ୍ତୁ ଅଧିକାରୀଙ୍କ ପକ୍ଷରୁ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି।