ଭୁବନେଶ୍ବର : ଚିଲିକାର ଜୈବବିବିଧତାଠାରୁ ଆରମ୍ଭ କରି ନୀଳ ଜଳରାଶି ଏବଂ ସାଇବେରିଆରୁ ଉଡ଼ି ଆସୁଥିବା ଲକ୍ଷାଧିକ ପକ୍ଷୀଙ୍କ ସମାଗମ ପର୍ଯ୍ୟଟକଙ୍କୁ ଆକୃଷ୍ଟ କରିଥାଏ। ପର୍ଯ୍ୟଟକମାନେ ଡଙ୍ଗାରେ ଯିବାବେଳେ ସେଥିରୁ ନିର୍ଗତ ଧୂଆଁ ଅଣନିଃଶ୍ବାସୀ କରିଥାଏ। ଏହାକୁ ଦୃଷ୍ଟିରେ ରଖି ଚିଲିକାରେ ସବୁ ଡଙ୍ଗାକୁ ସୌରଚାଳିତ କରିବା ଲାଗି ଶକ୍ତି ବିଭାଗ ପକ୍ଷରୁ ଏକ ଯୋଜନା ପ୍ରସ୍ତୁତ ହେଉଛି। ଶକ୍ତି ବିଭାଗର ଦକ୍ଷତା କାର୍ଯ୍ୟକ୍ରମ ଜରିଆରେ ପ୍ରତ୍ୟେକ ଡଙ୍ଗା ଉପରେ ସୌର ଯନ୍ତ୍ରାଂଶ ଲଗାଇ ଡଙ୍ଗା ଚଳାଯିବ। ଏଥିଲାଗି ‘ଓରେଡ଼ା’ ପକ୍ଷରୁ ପ୍ରାୟ ୩୦.୯୫କୋଟି ଟଙ୍କାର ଏକ ପ୍ରସ୍ତାବ ରାଜ୍ୟ ସରକାରଙ୍କୁ ପ୍ରଦାନ କରାଯାଇଛି। ରାଜ୍ୟ ସରକାରଙ୍କ ଅନୁମୋଦନ ପରେ ଏହାକୁ ଚଳିତ ଆର୍ଥିକବର୍ଷ ମଧ୍ୟରେ କାର୍ଯ୍ୟକାରୀ କରିବାକୁ ବିଭାଗ ଯୋଜନା ରଖିଛି। ଯୋଜନା ଅନୁଯାୟୀ, ୫ଟି ନୂତନ ଡଙ୍ଗା କିଣାଯିବ। ସେଥିମଧ୍ୟରୁ ୨ଟି ଜଙ୍ଗଲ ବିଭାଗ ଏବଂ ୩ଟି ପର୍ଯ୍ୟଟନ ବିଭାଗ ପାଇଁ ଡେମୋ ପ୍ରଦର୍ଶନ ଲାଗି ପ୍ରଦାନ କରାଯିବ। ଏଥିରେ ୨୦ଟି ଲେଖାଏଁ ସିଟ୍ ରହିବ। ସୂଚନାଯୋଗ୍ୟ ଯେ, ୨୦୨୩ ଅକ୍ଟୋବରରେ ମୁଖ୍ୟଶାସନ ସଚିବ ପ୍ରଦୀପ ଜେନାଙ୍କ ଅଧ୍ୟକ୍ଷତାରେ ଏନେଇ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଚିଲିକାକୁ ଆକର୍ଷଣୀୟ କରିବାପାଇଁ ସବୁ ଡଙ୍ଗାକୁ ସୌରଚାଳିତ କରାଯିବା ସହିତ ଘେରି ଉଚ୍ଛେଦ କାର୍ଯ୍ୟକ୍ରମକୁ ତ୍ବରାନ୍ବିତ କରିବାକୁ ନିଷ୍ପତ୍ତି ହୋଇଥିଲା।
Popular Categories
Previous article
Next article