ନୂଆଦିଲ୍ଲୀ: ଦିଲ୍ଲୀରେ ପୁଣି ଗର୍ଜିବେ ଚାଷୀ ସଂଗଠନ। ଏଥିପାଇଁ ୧୦୦୦ରୁ ଅଧିକ ଟ୍ରାକ୍ଟର ଓ କ୍ରେନ ନେଇ ଦିଲ୍ଲୀ ଅଭିମୁଖେ ଆସୁଛନ୍ତି କିଷାନ ମଜଦୁର ମୋର୍ଚ୍ଚା (କେଏମଏମ) ଏବଂ ସଂଯୁୁକ୍ତ କିଷାନ ମୋର୍ଚ୍ଚା (ଅଣ ରାଜନୈତିକ)ର ହଜାର ହଜାର ଚାଷୀ । ସେପଟେ ସୋମବାର ଅପରାହ୍ନ ୫ଟାରେ କେନ୍ଦ୍ର ସରକାରଙ୍କ ସହ ଚାଷୀ ସଂଗଠନର ଦ୍ୱିତୀୟ ପର୍ଯ୍ୟାୟ ବୈଠକ ଅନୁଷ୍ଠିତ ହେବ।
କୃଷକ ସଂଗଠନର ମୁଖ୍ୟତଃ ୧୨ଟି ଦାବି ରହିଛି। ସେଗୁଡିକ ହେଲା ..
୧- ଡକ୍ଟର ସ୍ୱାମୀନାଥନ୍ ଆୟୋଗଙ୍କ ରିପୋର୍ଟ ଅନୁଯାୟୀ ସମସ୍ତ ଫସଲ ପାଇଁ ଏମଏସପି (ସର୍ବନିମ୍ନ ସହାୟତା ମୂଲ୍ୟ) ଗ୍ୟାରେଣ୍ଟି ଦେଉଥିବା ଏକ ଆଇନ।
୨ – ଚାଷୀ ଏବଂ ଶ୍ରମିକମାନଙ୍କର ସମୂର୍ଣ୍ଣ ଋଣ ଛାଡ।
୩ – ଦେଶରେ ଜମି ଅଧିଗ୍ରହଣ ଅଧିନିୟମ ୨୦୧୩କୁ ପୁନଃ କାର୍ଯ୍ୟକାରୀ କରାଯାଉ। କୃଷକଙ୍କ ଠାରୁ ଲିଖିତ ସମ୍ମତି ଏବଂ ବର୍ତମାନ ବଜାର ଦରର ୪ ଗୁଣା କ୍ଷତିପୂରଣ ନିଶ୍ଚିତ କରିବାକୁ ଦାବି।
୪ – ଲକ୍ଷ୍ମୀପୁର ଖେରୀ ହତ୍ୟାକାଣ୍ଡର ଅପରାଧୀଙ୍କୁ ଦଣ୍ଡ ଏବଂ ପ୍ରଭାବିତ ଚାଷୀଙ୍କ ପରିବାକୁ ନ୍ୟାୟ ପ୍ରଦାନ।
୫ – ବିଶ୍ୱ ବାଣିଜ୍ୟ ସଂଗଠନରୁ ହଟାଅ ଏବଂ ସମସ୍ତ ମୁକ୍ତ ବାଣିଜ୍ୟ ଚୁକ୍ତିନାମା ଉପରେ ପ୍ରତିବନ୍ଧକ ।
୬ – କୃଷକ ଏବଂ କୃଷି ଶ୍ରମିକଙ୍କୁ ପେନସନ।
୭ – ଦିଲ୍ଲୀରେ ଆନ୍ଦୋଳନ ବେଳେ ମୃତ ଚାଷୀଙ୍କ ପରିବାରକୁ କ୍ଷତିପୂରଣ ଏବଂ ପରିବାରର ସଦସ୍ୟଙ୍କୁ ଚାକିରି।
୮ – ବିଦ୍ୟୁତ ସଂଶୋଧନ ବିଲ୍ ୨୦୨୦ ରଦ୍ଧ କରାଯାଉ।
୯ – କୃଷି ସହ ଯୋଡି ହୋଇଥିବାରୁ ବର୍ଷକୁ ୨୦୦ ଦିନର ରୋଜଗାର ଏବଂ ମନରେଗା ଅଧୀନରେ ଦୈନିକ ୭୦୦ ଟଙ୍କା ପ୍ରଦାନ।
୧୦ – ନକଲି ମଞ୍ଜି, କୀଟନାଶକ ଏବଂ ସାର ଉତ୍ପାଦନ କରୁଥିବା କମ୍ପାନୀ ଗଡିକ ଉପରେ କଠୋର ଦଣ୍ଡ ଏବଂ ଉନ୍ନତ ମାନର ବିହନ ଯୋଗାଇବା।
୧୧ – ଲଙ୍କା, ହଳଦୀ ଏବଂ ଅନ୍ୟ ମସଲା ପାଇଁ ଏକ ଜାତୀୟ ଆୟୋଗ ଗଠନ।
୧୨ – ଆଦିବାସୀ ମାନଙ୍କ ଜମି ଲୁଟୁଥିବା କମ୍ପାନୀକୁ ଅଟକାଇବା। ଜଳ, ଜଙ୍ଗଲ ଏବଂ ଜମି ଉପରେ ଆଦିବାସୀଙ୍କ ଅଧିକାର ସୁନିଶ୍ଚିତ କରିବା।
