ଚଣ୍ଡିଗଡ: ପଞ୍ଜାବରେ ସଂପ୍ରତି ସୃଷ୍ଟି ହୋଇଥିବା ରାଜନୈତିକ ହଲଚଲକୁ ନେଇ ଶିରୋମଣି ଅକାଳି ଦଳ (ଏସଏଡି) ସଭାପତି ସୁଖବୀର ସିଂ ବାଦଲ କଂଗ୍ରେସ ନେତୃତ୍ୱାଧୀନ ପଞ୍ଜାବ ସରକାରଙ୍କୁ କଡା ଭାଷାରେ ସମାଲୋଚନା କରିଛନ୍ତି। ସେ କହିଛନ୍ତି ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ଅଧୀନରେ ରାଜ୍ୟର ଧ୍ୱଂସ ନିଶ୍ଚିତ। ଆସନ୍ତା ବର୍ଷ ପଞ୍ଜାବରେ ହେବାକୁ ଥିବା ବିଧାନସଭା ନିର୍ବାଚନରେ ଅକାଳି ଦଳ ନୂଆ ମେଣ୍ଟ କରିବା ସମ୍ଭାବନା ସମ୍ପର୍କରେ ମଧ୍ୟ ସେ ସୂଚନା ଦେଇଛନ୍ତି।
ରାଜ୍ୟରେ ସଂପ୍ରତି ମୁଖ୍ୟମନ୍ତ୍ରୀ ଅମରିନ୍ଦର ସିଂ ଏବଂ କଂଗ୍ରେସ ନେତା ନବଜୋତ ସିଂ ସିଧୁଙ୍କ ମଧ୍ୟରେ ଚାଲିଥିବା ବିବାଦକୁ ନେି ଅକାଳି ଦଳ ମୁଖ୍ୟ ପ୍ରଶ୍ନ କରିଛନ୍ତି ଯେ ସିଧୁ ତିନିବର୍ଷ କାଳ କ୍ୟାବିନେଟ ମନ୍ତ୍ରୀ ଥିବା ସମୟରେ କାହିଁକି ମୁଖ୍ୟମନ୍ତ୍ରୀଙ୍କ ବିରୋଧରେ ପଦଟିଏ ମୁହଁ ଖୋଲିନଥିଲେ। ପଞ୍ଜାବ ମୁଖ୍ୟମନ୍ତ୍ରୀଙ୍କୁ ତୀବ୍ର ସମାଲୋଚନା କରି ଶ୍ରୀ ବାଦଲ କହିଛନ୍ତି, ରାଜ୍ୟରେ ଏଭଳି ଜଣେ ମୁଖ୍ୟମନ୍ତ୍ରୀ ଅଛନ୍ତି ଯିଏ ନିଜ ଘରୁ କଦାପି ବାହାରକୁ ଆସିନାହାନ୍ତି। କୋଭିଡ ବର୍ଷକରୁ ଅଧିକ ସମୟ ହେଲା ସାରା ଦେଶକୁ ଆତଙ୍କିତ କରି ରଖିଛି। କିନ୍ତୁ ଗତ ଚାରିବର୍ଷ ମଧ୍ୟରେ ମୁଖ୍ୟମନ୍ତ୍ରୀ ୧୧ ଥରରୁ ଅଧିକ ଥର ନିଜ କାର୍ଯ୍ୟାଳୟକୁ ଯାଇନାହାନ୍ତି। ତାଙ୍କୁ କିଭଳି ମୁଖ୍ୟମନ୍ତ୍ରୀ କୁହାଯାଇପାରିବ ବୋଲି ଶ୍ରୀ ବାଦଲ ପ୍ରଶ୍ନ କରିଛନ୍ତି। ଲୋକମାନେ ତାଙ୍କୁ ଗାଁରେ ପୁରାଇ ଦେଉନାହାନ୍ତି। କଂଗ୍ରେସ ନିଜର ଆସ୍ଥା ହରାଇସାରିଛି। ଅବଶ୍ୟ ସେ ଏକଥା ସ୍ପଷ୍ଟ କରିଛନ୍ତି ଯେ ରାଜ୍ୟରେ କଂଗ୍ରେସରେ ଚାଲିଥିବା ବିବାଦରୁ ଅକାଳି ଦଳ ଫାଇଦା ଉଠାଇବାକୁ ଚାହୁଁନାହିଁ। ଅମରିନ୍ଦର ଯେତେ ଅଧିକ କାଳ ମୁଖ୍ୟମନ୍ତ୍ରୀ ରହିବେ, ସେତେ ଶୀଘ୍ର ଶୀଘ୍ର ରାଜ୍ୟର ଧ୍ୱଂସ ହୋଇଚାଲିବ। ଆଗାମୀ ନିର୍ବାଚନରେ ତାଙ୍କ ଦଳ ଭାଜପା, କଂଗ୍ରେସ ଏବଂ ଆପ୍ ବ୍ୟତୀତ ଅନ୍ୟ ଦଳ ସହିତ ମେଣ୍ଟ କରିବାକୁ ପ୍ରସ୍ତୁତ ବୋଲି ସେ ସ୍ପଷ୍ଟ କରିଥିଲେ।
ସିଧୁ ଜଣେ ପାଗଳ ; କଂଗ୍ରେସ, ଭାଜପା, ଆପ୍ ସହିତ ଆମର ଆଉ ବୁଝାମଣା କରିବାର ନାହିଁ- ସୁଖବୀର ସିଂ ବାଦଲ
Popular Categories
Previous article
Next article