ଡେସ୍କ: ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ଆଜି ସର୍ବୋଚ୍ଚ ନ୍ୟାୟାଳୟରେ ଆମ ଆଦମୀ ପାର୍ଟି ସାଂସଦ ତଥା ଉତ୍ତରପ୍ରଦେଶ, ଓଡିଶା ଓ ରାଜସ୍ଥାନର ଦଳୀୟ ମୁଖପାତ୍ର ସଞ୍ଜୟ ସିଂହକୁ ଜାମିନ ମିଳିବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଜାମିନ ମିଳିବା ନେଇ ଦଳୀୟ କର୍ମୀଙ୍କ ମଧ୍ୟରେ ଆଶା ସଂଚାର ହୋଇଛି। ଏହି ମାମଲାରେ ପୂର୍ବରୁ ପ୍ରବର୍ତ୍ତନ ନିର୍ଦ୍ଦେଶାଳୟ – ଇଡି ବାରମ୍ବାର ଜାମିନକୁ ବିରୋଧ କରୁଥିବା ବେଳେ ଆଜି ଶୁଣାଣି ସମୟରେ ଇଡିର ଓକିଲ ଆଦୌ ବିରୋଧ କରିନଥିଲେ।
ସଫାରି ସମୟରେ ଭିଡିଓ କରୁଥିଲେ ପର୍ଯ୍ୟଟକ: ବୁଦା ଭିତରୁ ଡେଇଁଲା ବାଘ, ତା’ପରେ.. ଦେଖନ୍ତୁ ଭିଡିଓ..
ରାଜନୈତିକ ବିଶ୍ଳେଷକ ଓ ଆଇନଜୀବୀଙ୍କ କହିବା ଅନୁଯାୟୀ ଯଦି ଇଡି ସଞ୍ଜୟ ସିଂହଙ୍କୁ ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ସମ୍ପୃକ୍ତି ଥିବା ନେଇ ସୁରାକ ପାଇଥାନ୍ତା ତେବେ ଜାମିନକୁ ବିରୋଧ କରିଥାନ୍ତା। କିନ୍ତୁ ଇଡି ପକ୍ଷରୁ ଏହାକୁ ବିରୋଧ ନ କରାଯିବା ଯୋଗୁ ମାମଲାରେ ସଞ୍ଜୟଙ୍କ ବିରୋଧରେ ଅପାତତଃ କୌଣସି ସୁରାକ ପାଇନଥିବା କୁହାଯାଉଛି।
୨୦୨୩ ଅକ୍ଟୋବର ୪ରେ ଇଡି ଦ୍ୱାରା ଗିରଫ ହେବା ପରେ ସଞ୍ଜୟଙ୍କୁ ଇଡି ରିମାଣ୍ଡରେ ନେଇ ଅନେକ ଥର ପଚରାଉଚୁରା କରିଥିବା ବେଳେ ଗତ ୬ ମାସ ମଧ୍ୟରେ କୌଣସି ସୁରାକ ନ ପାଇବା ଇଡିର କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଅନ୍ୟପକ୍ଷରେ କୌଣସି ପ୍ରମାଣ ନ ଥାଇ କେବଳ ରାଜନୈତିକ ଚାପରେ ଇଡି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଥିବାରୁ ତାଙ୍କୁ ମଧ୍ୟ ଜାମିନ ମିଳିଯିବ ବୋଲି ରାଜନୈତିକ ବିଶ୍ଳେଷକ ମାନେ କହିଛନ୍ତି।
Comments are closed.