କାବୁଲ୍ : ପଶ୍ଚିମ ଆଫଗାନିସ୍ତାନର ହେରାତ୍ରେ ଏକ ଛାତିଥରା, ମର୍ମନ୍ତୁଦ ସଡକ ଦୁର୍ଘଟଣାର ଖବର ବୁଧବାର ସାମ୍ନାକୁ ଆସିଛି । ମଙ୍ଗଳବାର ଦିନ ଆଫଗାନିସ୍ତାନରୁ ଇରାନରୁ ଫେରିଥିବା ପ୍ରବାସୀଙ୍କୁ ନେଇ ଯାଉଥିବା ଏକ ବସ୍ରେ ଅଗ୍ନିକାଣ୍ଡ ଘଟି ପ୍ରାୟ ୭୧ ଯାତ୍ରୀଙ୍କ ମୃତ୍ୟୁ ଘଟିଛି । ଏହି ଯାତ୍ରୀବାହୀ ବସ୍ ଏକ ଟ୍ରକ୍ ଓ ମୋଟରସାଇକେଲ ସହ ଧକ୍କା ହେବା ପରେ ବସ୍ଟି ଜଳି ଯାଇଥିଲା । ମୃତକଙ୍କ ମଧ୍ୟରେ ୧୭ ଶିଶୁ ରହିଛନ୍ତି ବୋଲି କୁହାଯାଉଛି । ବସ୍ଟି ଦ୍ରୁତ ଗତିରେ ଥିବା ସହ ଅସାବଧାନତା କାରଣରୁ ଦୁର୍ଘଟଣା ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।
ପ୍ରଦେଶ ସରକାରଙ୍କ ମୁଖପାତ୍ର ଅହମଦୁଲ୍ଲା ମୁତାକି ଏକ୍ସରେ ଏହି ଘଟଣାକୁ ନିଶ୍ଚିତ କରିଛନ୍ତି ଏବଂ ଏହାକୁ ସାମ୍ପ୍ରତିକ ସମୟର ସବୁଠାରୁ ଭୟଙ୍କର ସଡ଼କ ଦୁର୍ଘଟଣା ବୋଲି କହିଛନ୍ତି। ସେ କହିଛନ୍ତି ଯେ, ହେରାତରେ ଏକ ବସ୍ ଏକ ଟ୍ରକ୍ ଏବଂ ମୋଟରସାଇକେଲ ସହିତ ଧକ୍କା ହେବା ଫଳରେ ୭୧ ଜଣଙ୍କର ମୃତ୍ୟୁ ହୋଇଛି।
ସୋସିଆଲ ମିଡିଆରେ ଏହି ଦୁର୍ଘଟଣାର ଛାତିଥରା ଭିଡିଓ ମଧ୍ୟ ଦ୍ରୁତ ଗତିରେ ଭାଇରାଲ୍ ହେଉଛି।
ଜଳିଗଲା ଯାତ୍ରୀବାହୀ ବସ୍ ; ୧୭ ଶିଶୁ ସହ ୭୧ ଯାତ୍ରୀ ମୃତ
Popular Categories
Previous article
Next article