ହାଇଦରାବାଦ: ତାମିଲ ସୁପରଷ୍ଟାର ଥଲପତି ବିଜୟ ଅଭିନୟ କ୍ଷେତ୍ରରେ ବିପୁଳ ସଫଳତା ହାସଲ କରିବା ପରେ ଏବେ ରାଜନୀତି ଜଗତରେ ପାଦ ଥାପିଛନ୍ତି। ଶୁକ୍ରବାର ସେ ତାଙ୍କ ଦଳର ନାମ ଘୋଷଣା କରିଛନ୍ତି। ନିଜ ଦଳର ନାଁ ତାମିଲଗା ଭେଟ୍ରି କଜମ ରଖିଛନ୍ତି ଅଭିନେତା। ଲୋକସଭା ନିର୍ବାଚନ ପୂର୍ବରୁ ଥଲପତି ନିଜ ଦଳର ନାଁ ଘୋଷଣା କରିଛନ୍ତି ସତ, କିନ୍ତୁ ସେ ନିର୍ବାଚନ ଲଢିବେନି। ଏ ସୂଚନା ମଧ୍ୟ ସେ ଦେଇଛନ୍ତି। ଅଭିନେତା ବିଜୟ ଏକ ବୟାନ ଜାରି କରି କହିଛନ୍ତି, ‘‘ଆମେ ଲୋକସଭା ନିର୍ବାଚନ ୨୦୨୪ ଲଢୁନାହୁଁ ଏବଂ ଆମେ କୌଣସି ଦଳକୁ ସମର୍ଥନ ମଧ୍ୟ କରିବୁ ନାହିଁ। ସାଧାରଣ ଏବଂ କାର୍ଯ୍ୟକାରିଣୀ ପରିଷଦ ବୈଠକ ପାଇଁ ଆମେ ଏହି ନିଷ୍ପତ୍ତି ନେଇଛୁ।’’ ଏଠାରେ ସୂଚନାଯୋଗ୍ୟ, ଥଲପତି ରାଜନୀତିରେ ଯୋଗଦେବା ନେଇ ଦୀର୍ଘ ଦିନ ଧରି ଚର୍ଚ୍ଚା ହେଉଥିଲା।
Tamil Nadu | Actor Vijay enters politics, announces the name of his party – Tamilaga Vetri Kazham pic.twitter.com/m1yMdNPK6x
— ANI (@ANI) February 2, 2024
ଅଭିନୟ ବ୍ୟତୀତ ଥଲପତି ବିଜୟ ସାମାଜସେବା ପାଇଁ ମଧ୍ୟ ବେଶ୍ ଜଣାଶୁଣା। ଡିସେମ୍ବର ୨୦୨୩ରେ ବିଜୟ ଥୁଥୁକୁଡି ଏବଂ ତିରୁନେଲଭେଲି ଜିଲାର ବନ୍ୟା ପ୍ରଭାବିତ ବାସିନ୍ଦାଙ୍କୁ ସାହାଯ୍ୟ କରିଥିଲେ।
