ଆଠଗଡ : ଖୁଣ୍ଟୁଣୀ ଥାନା ଅନ୍ତର୍ଗତ ଚମ୍ପାପୁର ଛକଠାରେ ରବିବାର ଘଟିଥିବା ବାଇକ ଦୁର୍ଘଟଣାର ୨ଜଣ ଆହତଙ୍କ ମଧ୍ୟରୁ ଜଣେ ଆହତ କଟକରେ ଚିକିତ୍ସାଧିନ ଅବସ୍ଥାରେ ମୃତ୍ୟୁବରଣ କରିଥିବା ଜଣାପଡିଛି । ରବିବାର ରାତିରେ ଘଣ୍ଟିଖାଲରୁ ବାଇକରେ ଆସୁଥିବା ମଞ୍ଜାରୀପଦା ଗ୍ରାମର ବିକାଶ ରାଉତ(୩୪) ଓ ଶ୍ରୀକାନ୍ତ ସାହୁ (୪୦) ରାସ୍ତା କଡରେ ଠିଆ ହୋଇଥିବା ଏକ ଅଟୋକୁ ଧକ୍କା ଦେଇଥିଲେ। ଏଥିରେ ଉଭୟ ବାଇକ ଆରୋହୀ ଗୁରୁତ୍ୱର ଆହତ ହୋଇ ଥିବାବେଳେ ସେମାନଙ୍କୁ ମାଧବପୁରସ୍ଥିତ ଜିମସାର ଆମ୍ବୁଲାନ୍ସରେ ଆଠଗଡ ଡାକ୍ତରଖାନାକୁ ଅଣାଯାଇଥିଲା । ଅବସ୍ଥା ଗୁରୁତ୍ୱର ଥିବାରୁ ପ୍ରାଥମିକ ଚିକିତ୍ସା ପରେ ସେମାନଙ୍କୁ କଟକ ସ୍ଥାନାନ୍ତରିତ କରାଯାଇଥିଲା । କଟକ ବଡ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ବାଇକ ଆରୋହୀ ମଞ୍ଜାରୀପଦାର ଶ୍ରୀକାନ୍ତ ସାହୁ (୪୦)ଙ୍କର ସୋମବାର ମୃତ୍ୟୁ ହୋଇଯାଇଥିବା ଜଣାପଡିଛି । ମଙ୍ଗଳାବାଗ ପୁଲିସ ମୃତ ଦେହ ବ୍ୟବଚ୍ଛେଦ କରାଇବା ସହ ଏକ ଦୁର୍ଘଟଣାଜନିତ ମାମଲା ରୁଜୁ କରିଛି ।
Popular Categories
Previous article
Next article