ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଜଗନ୍ନାଥ ସଡକ ଦେଇ ଏକ ଧାନ ବୋଝଇ ପିକଅପ ଭ୍ୟାନ ମିଲକୁ ଯାଉଥିବା ସମୟରେ ଭାରସାମ୍ୟ ହରାଇ ହାଟଗାଁ ସେତୁ ତଳକୁ ଖସିପଡିଥିଲା। ଘଟଣାସ୍ଥଳରେ ଆଠମଲ୍ଲିକ ଥାନା ବଡ଼ବନ୍ଧ ଗ୍ରାମର ଟୁନା ସାହୁଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଅଛନ୍ତି। ଡ୍ରାଇଭର ଫେରାର ଥିବା ଜଣାପଡିଛି।
ସୂଚନା ଅନୁସାରେ ଏକ ଏକ ଧାନ ବୋଝଇ ପିକଅପ୍ ଭ୍ୟାନ ଆଠମଲ୍ଲିକରୁ ପୁରୁଣାକଟକ ଆସୁଥିବା ସମୟରେ ଭାରସାମ୍ୟ ହରାଇ ହାଟଗାଁ ସେତୁ ତଳକୁ ଖସିପଡିଥିଲା। ଏଥିରେ ପିକଅପରେ ବସିଥିବା ଅନଗୁଳ ଜିଲ୍ଲା ଆଠମଲ୍ଲିକ ଥାନା ଅଇଡ଼ା ପଞ୍ଚାୟତ ବଡ଼ବନ୍ଧ ଗ୍ରାମର ଟୁନା ସାହୁଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତରଙ୍କୁ ବୌଦ୍ଧ ମେଡିକାଲରେ ଭର୍ତ୍ତି କରାଯାଇଛି। ବୌଦ୍ଧ ପୁଲିସ ଘଟଣା ସ୍ଥଳରେ ପହଂଚି ଗାଡି ଓ ଶବ ଜବଦ କରିବା ସହ ତଦନ୍ତ ଚଳାଇଛି। ଅନ୍ୟପଟେ ଫେରାର ଥିବା ଡ୍ରାଇଭରଙ୍କ ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେଉଛି। ଯେଉଁଥିରେ ସେ ଗାଡ଼ି ସ୍ପିଡ଼ି ଥିଲା ଚାନ୍ଦା ମାଗୁଥିବାରୁ ବ୍ରେକ ଜୋରରେ ମାରିବା ଫଳରେ ଗାଡ଼ି ପୋଲ ତଳକୁ ଭାରସାମ୍ୟ ହରାଇ ଖସିପଡ଼ିଲା।
