ବୌଦ୍ଧ : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ଧଳପୁର ପଂଚାୟତର ତେନ୍ତୁଳିପଦର ଗ୍ରାମ ନିକଟ ଦେଇଯାଇ ଥିବା ଜଗନ୍ନାଥ ସଡକରେ ଗୁରୁବାର ଅପରାହ୍ନରେ ବାଇକ ଦୁର୍ଘଟଣାରେ ଦମ୍ପତି ଆହତ ହୋଇଛନ୍ତି । ମିଳିଥିବା ସୁଚନା ଅନୁଯାଇ, ଧଳପୁର ଗ୍ରାମର ବୁଲୁ ସାହୁ ଓ ତାଙ୍କ ପତ୍ନୀ ଲକ୍ଷ୍ମୀପ୍ରିୟା ଏକ ବାଇକ ଯୋଗେ ଅପରାହ୍ନରେ ଜଗନ୍ନାଥ ସଡକରେ ଘରକୁ ଫେରୁଥିବା ସମୟରେ ତେନ୍ତୁଳିପଦର ନିକଟରେ ଦୁଇଜଣ ଛାତ୍ର ହଠାତ ବାଇକ ସମ୍ମୁଖକୁ ଚାଲି ଆସିଥିଲେ। ଫଳରେ ଭାରସାମ୍ୟ ହରାଇ ବାଇକଟି ଦୁର୍ଘଟଣାଗ୍ରସ୍ଥ ହୋଇଥିଲା। ଏଥିରେ ବୁଲୁ ସାମାନ୍ୟ ଆହତ ହୋଇଥିବା ବେଳେ ତାଙ୍କ ପତ୍ନୀ ଗୁରୁତର ଆହତ ହୋଇଥିଲେ। ତାଙ୍କୁ ସ୍ଥାନୀୟ ଲୋକଙ୍କ ସାହାର୍ଯ୍ୟରେ ଧଳପୁର ସ୍ୱାସ୍ଥ କେନ୍ଦ୍ରକୁ ନିଆଯାଇଥିଲା। ଡାକ୍ତରଙ୍କ ପରାମର୍ଶକ୍ରମେ ଲକ୍ଷ୍ମୀପ୍ରିୟାଙ୍କୁ ବୁର୍ଲାକୁ ସ୍ଥାନାନ୍ତରିତ କରାଯାଇଥିବା ଜଣାପଡିଛି।
Popular Categories
Previous article
Next article