ଅନୁଗୁଳ: ଅନୁଗୁଳ ଜିଲା କୁଲାଡ଼ ପେଟ୍ରୋଲ ପମ୍ପ୍ ନିକଟରେ ଦୁଇ ବାଇକ୍ ମଧ୍ୟରେ ଦୁର୍ଘଟଣା ହୋଇଛି। ଏଥିରେ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଗୁରୁତର ହୋଇଛନ୍ତି। ମୃତ ବ୍ୟକ୍ତି ଜଣକ ଝଡ଼ିଆମ୍ବା ଗ୍ରାମର ପ୍ରମୋଦ ସାହୁ ବୋଲି ଜଣା ପଡିଛି । ଗୁରୁତର ସୌଭାଗ୍ୟ ଚନ୍ଦ୍ର ସାହୁ ଓ ଗୋପବନ୍ଧୁ ସାମଲଙ୍କୁ ନାଲକୋ ଡାକ୍ତରଖାନାରେ ଭର୍ତି କରାଯାଇଛି ।
ସୂଚନଯୋଗ୍ୟ ଯେ, ଦୁଇ ଜଣ ବ୍ୟକ୍ତି ନାଲକୋ ସ୍ମେଲ୍ଟର ପ୍ଲାଣ୍ଟକୁ ଯାଉଥିବା ସମୟରେ ଅନ୍ୟ ଏକ ମଟର ସାଇକେଲ ସହ ସେମାନଙ୍କର ଧକ୍କା ହୋଇଥିଲା । ମୃତକଙ୍କ ପରିବାରକୁ ନାଲକୋରେ ଚାକିରି ପ୍ରଦାନ କରାଯିବାକୁ ଦାବି କରି ଏନଏଚ୫୫ରେ ରାସ୍ତାରୋକ କରାଯାଇଛି। ତାଳଚେରର ବିଧାୟକ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି।
