ସରିଲା ଡ.ଏସ.ସି.ଜମୀରଙ୍କ କାର୍ଯ୍ୟକାଳ; ଓଡିଶାର ଅତିରିକ୍ତ ଦାୟିତ୍ଵ ତୁଲାଇବେ ବିହାରର ରାଜ୍ୟପାଳ
ଭୁବନେଶ୍ୱର: ବିହାରର ରାଜ୍ୟପାଳଙ୍କୁ ମିଳିଲା ଓଡିଶାର ଅତିରିକ୍ତ ଦାୟିତ୍ଵ । ଆଜି ଓଡ଼ିଶାର ରାଜ୍ୟପାଳ ଡ.ଏସ.ସି.ଜମୀରଙ୍କ ଶେଷଦିନ ହୋଇଥିବା ବେଳେ ବିହାରର ରାଜ୍ୟପାଳ ସତ୍ୟପାଲ ମଲ୍ଲିକଙ୍କୁ ଓଡିଶାର ଅତିରିକ୍ତ ଦାୟିତ୍ଵ ମିଳିଛି । ରାଷ୍ଟ୍ରପତି ରାମନାଥ କୋବିନ୍ଦ ଶ୍ରୀ ମଲ୍ଲିକଙ୍କୁ ନିଯୁକ୍ତି ଦେଇଛନ୍ତି । ଏହି ସୂଚନା ଟ୍ବିଟ୍ ଜରିଆରେ ରାଷ୍ଟପତି ଭବନରୁ ପ୍ରକାଶ ପାଇଛି । ସୂଚନାଯୋଗ୍ୟ, ଡ. ଏସ.ସି.ଜମୀର ଓଡ଼ିଶାର ରାଜ୍ୟପାଳ ଭାବେ ୫ବର୍ଷିଆ କାର୍ୟ୍ୟକାଳ ଆଜି ଶେଷ ହେଉଛି । ଏହି ଅବସରରେ ମଙ୍ଗଳବାରଠୁଁ ଆରମ୍ଭ ହୋଇଥିବା ଓଡିଶା ବିଧାନସଭାର ବଜେଟ୍ ଅଧିବେଶନରେ ଡ. ଏସ.ସି.ଜମୀର ଶେଷ ଅଭିଭାଷଣ ରଖିଥିଲେ ।