ଆଠଗଡ : ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ କଲେଜରେ ପୁନଃ ନାମଲେଖା ଦେୟ ହ୍ରାସ ଦାବିରେ ଛାତ୍ରଅଶାନ୍ତି ଦେଖାଯିବା ସହ ଅଧ୍ୟକ୍ଷ ଓ ଉପଜିଲ୍ଲାପାଳଙ୍କୁ ଏ ସଂପର୍କରେ ଦାବିପତ୍ର ପ୍ରଦାନ କରାଯାଇଛି । କରୋନା ମହାମାରୀ ଯୋଗୁଁ ପ୍ରାୟ ସମସ୍ତଙ୍କ ପରିବାର ଆର୍ଥôକ ସଂକଟ ମଧ୍ୟରେ ଗତି କରୁଥିବାବେଳେ +୩ ୨ୟ ବର୍ଷ ପୁନଃ ନାମଲେଖା ଦେୟ ହ୍ରାସ କରିବା ପାଇଁ ଛାତ୍ରଛାତ୍ରୀ ଦାବିକରି ମଙ୍ଗଳବାର ସକାଳେ କଲେଜର ମୁଖ୍ୟ ପାଠକରେ ତାଲା ପକାଇ ଦେଇଥିଲେ । ପରେ ପରେ କଲେଜ ଅଧ୍ୟକ୍ଷ ଓ ଅଧ୍ୟାପକମାନେ ସେମାନଙ୍କୁ ବୁଝାସୁଝା କରିବା ପରେ ଫାଠକ ଖୋଲିଥିଲେ । ତେବେ ସେମାନେ ନାମଲେଖା ଦେୟ ୫୦ପ୍ରତିଶତ କମ୍ କରିବା ପାଇଁ ଅଧ୍ୟକ୍ଷ ଡଃ ଲୋକନାଥ ସାହୁ ଏବଂ କଲେଜ ପରିଚାଳନା ପରିଷଦର ସଭାପତି ତଥା ଉପଜିଲ୍ଲାପାଳ ଅଜାମ୍ବର ମହାନ୍ତିଙ୍କୁ ସାକ୍ଷାତ କରି ଦାବିପତ୍ର ଦେଇଥିଲେ । ସେମାନଙ୍କ ଦାବି ଆସନ୍ତା ୬ ତାରିଖ ମଧ୍ୟରେ ପୂରଣ କରାନଗଲେ ଛାତ୍ରଛାତ୍ରୀମାନେ ଆନେ୍ଦାଳନାତ୍ମକ ପନ୍ଥା ଆପଣାଇବେ ବୋଲି ଚେତାବନୀ ଦେଇଛନ୍ତି ।
Comments are closed.