ସମାଜ ଡିଜିଟାଲ ଡେସ୍କ: ଆଗାମୀ ଦିଲ୍ଲୀ ବିଧାନସଭା ନିର୍ବାଚନ ଲାଗି ରବିବାର ଚୂଡ଼ାନ୍ତ ପ୍ରାର୍ଥୀ ତାଲିକା ଘୋଷଣା କରିଛି ଆମ ଆଦମୀ ପାର୍ଟି। ଏହି ପର୍ଯ୍ୟାୟରେ ମୋଟ ୩୮ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ୭୦ ବିଧାନସଭା ଆସନ ପକ୍ଷରୁ ପୂର୍ବରୁ ୩୨ ପ୍ରାର୍ଥୀଙ୍କ ନାମ ଘୋଷଣା କରାଯାଇଥିଲା।
ଶେଷ ପର୍ଯ୍ୟାୟ ତାଲିକା ଅନୁସାରେ ଦିଲ୍ଲୀ ମୁଖ୍ୟମନ୍ତ୍ରୀ ଅତିସୀ କାଲକାଜି ବିଧାନସଭା ଆସନରୁ ନିର୍ବାଚନ ଲଢ଼ିବେ। ସେହିପରି ପୂର୍ବତନ ମୁଖ୍ୟମନ୍ତ୍ରୀ ତଥା ଦଳର ସଭାପତି ଅରବିନ୍ଦ କେଜ୍ରିଓ୍ବାଲ ଦିଲ୍ଲୀ ବିଧାନସଭା କ୍ଷେତ୍ରରୁ ଲଢ଼ିବେ। ଏହାବ୍ୟତୀତ ପରିବେଶ ମନ୍ତ୍ରୀ ଗୋପାଳ ରାଏ ପୂର୍ବପରି ବାବରପୁରରୁ ପ୍ରତିଦ୍ଵନ୍ଦ୍ଵିତା କରିବେ। ସେହିପରି ସ୍ଵାସ୍ଥ୍ୟମନ୍ତ୍ରୀ ସୌରଭ ଭରଦ୍ଵାଜ ଗ୍ରେଟର କୈଳାସ ନିର୍ବାଚନମଣ୍ଡଳୀ, ପୂର୍ବତନ ସ୍ଵାସ୍ଥ୍ୟମନ୍ତ୍ରୀ ସତ୍ୟେନ୍ଦର ଜୈନ ଶାକୁର ବସ୍ତିରୁ ପ୍ରାର୍ଥୀ ହୋଇଥିବାବେଳେ ମାଲବୀୟନଗରରୁ ସୋମନାଥ ଭାରତୀ ନିର୍ବାଚନ ମଇଦାନକୁ ଓହ୍ଲାଇବେ।
Comments are closed.