ନୂଆଦିଲ୍ଲୀ : ଆନନ୍ଦ ମହିନ୍ଦ୍ରା ୭ ଫେବୃୟାରୀରେ ଆଇପିଏସ୍ ଅଧିକାରୀ ମନୋଜ କୁମାର ଶର୍ମା ଏବଂ ତାଙ୍କ ପତ୍ନୀ ଆଇଆରଏସ୍ ଅଧିକାରୀ ଶ୍ରଦ୍ଧା ଜୋଶୀଙ୍କ ସହ ସାକ୍ଷାତ କରିଛନ୍ତି । ଏନେଇ ସେ ସୋସିଆଲ ମିଡିଆରେ ଏକ ପୋଷ୍ଟ କରି କହିଛନ୍ତି କି ସେ ଆଜି ଧନୀ ହୋଇଯାଇଛନ୍ତି । ଏ ହେଉଛନ୍ତି ସେହି ଆଇପିଏସ୍ ଅଫିସର ଯାହାଙ୍କ ଜୀବନୀ ଉପରେ ଆଧାରିତ ଫିଲ୍ମ ‘12th Fail’ ରେ ଅଭିନେତା ବିକ୍ରାନ୍ତ ମେସୀ ମୁଖ୍ୟ ଭୂମିକାରେ ନଜର ଆସିଥିଲେ ।
They were shy when I requested them for their autographs, which I am proudly holding.
But they are the true real-life heroes Manoj Kumar Sharma, IPS and his wife Shraddha Joshi, IRS. The extraordinary couple on whose lives the movie #12thFail is based.
Over lunch today, I… pic.twitter.com/VJ6xPmcimB
— anand mahindra (@anandmahindra) February 7, 2024
ମହିନ୍ଦ୍ରା ନିଜ ପୋଷ୍ଟରେ କହିଛନ୍ତି କି ଯେବେ ସେ ତାଙ୍କୁ ଅଟୋଗ୍ରାଫ୍ ପାଇଁ ଅନୁରୋଧ କଲେ ସେବେ ସେ ଲାଜ କଲେ । କିନ୍ତୁ ଅସାଧାରଣ ଯୋଡି ଆଇପିଏସ୍ ମନୋଜ କୁମାର ଶର୍ମା ଏବଂ ତାଙ୍କ ପତ୍ନୀ ଆଇଆରଏସ୍ ଶ୍ରଦ୍ଧା ଜୋଶୀ ବାସ୍ତବ ଜୀବନରେ ନାୟକ-ନାୟିକା । ତାଙ୍କ ଜୀବନ ଉପରେ ଆଧାରିତ ଫିଲ୍ମ 12thFail ନିକଟରେ ଭଲ ଆୟ କରିଥିଲା । ଆନନ୍ଦ ମହିନ୍ଦ୍ରା ଜଣାଇଛନ୍ତି କି ଆଜି ସେ ଜାଣିବାକୁ ପାଇଲେ କି ଏହି ଫିଲ୍ମର କାହାଣୀ ସତ ଘଟଣା ଉପରେ ଆଧାରିତ । ଏହା ପରେ ସେ ମନୋଜ କୁମାର ଶର୍ମା ଏବଂ ଶ୍ରଦ୍ଧା ଜୋଶୀଙ୍କ ସହ ସାକ୍ଷାତ କରିବାକୁ ମନସ୍ଥ କଲେ ।
କହିରଖୁଛୁ ନିକଟରେ ଆସିଥିବା ଏହି ଫିଲ୍ମରେ ବିକ୍ରାନ୍ତ ମେସୀ ମନୋଜ କୁମାର ଶର୍ମାଙ୍କ ଭୂମିକାରେ ନଜର ଆସିଥିଲେ ଏବଂ ମେଧା ଶଙ୍କର ଶ୍ରଦ୍ଧା ଜୋଶୀଙ୍କ ଭୂମିକା ତୁଲାଇଥିଲେ । ଏଥିରେ ଜଣେ ଯୁବକର କାହାଣୀ ନଜର ଆସୁଛି କି ସେ କିଭଳି ସଂଘର୍ଷ କରି ଶେଷରେ ଆଇପିଏସ୍ ଅଧିକାରୀ ହେଉଛି ।
