ନୂଆଦିଲ୍ଲୀ : ପାକିସ୍ତାନର ବାୟୁସେନା ବିମାନ ଦୁର୍ଘଟଣାଗ୍ରସ୍ତ ହୋଇଛି। ପାକିସ୍ତାନୀ ଗଣମାଧ୍ୟମ ରିପୋର୍ଟ ଅନୁଯାୟୀ, ପାକିସ୍ତାନ ଦିବସ ପରେଡ ପାଇଁ ଅଭ୍ୟାସ କରୁଥିବା ବେଳେ ପାକିସ୍ତାନ ବାୟୁସେନା ର ଏଫ୍-୧୬ ବିମାନ ବୁଧବାର ଇସଲାମାବାଦର ଶାକରପେରିଆନ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ବିମାନର ପାଇଲଟ ୱିଙ୍ଗ କମାଣ୍ଡର ନୌମାନ ଆକ୍ରାମଙ୍କର ମୃତ୍ୟୁ ହୋଇଛି। ପାକିସ୍ତାନୀ ବାୟୁସେନା ଦ୍ୱାରା ଏହି ଦୁର୍ଘଟଣା ବିଷୟରେ ସ୍ପଷ୍ଟ କରିଛନ୍ତି।
ବିମାନଟି ଖସିଯିବା ପରେ ଏଥିରେ ନିଆଁ ଲାଗିଯାଇଥିଲା ଏବଂ ଧୂଆଁ ବାହାରିଥିଲା। ବିମାନଟି ପଡିଥିବା ସ୍ଥାନଠାରୁ କିଛି ଦୂରରେ ପାକିସ୍ତାନୀ କ୍ରୀଡ଼ା ବୋର୍ଡର କର୍ମଚାରୀମାନଙ୍କ ଏକ କଲୋନୀ ରହିଛି। ସ୍ଥାନୀୟ ଅଞ୍ଚଳକୁ କର୍ଡନ କରି ପୁଲିସ ତଦନ୍ତ ଆରମ୍ଭ କରିଛି। ଏ ସମ୍ପର୍କରେ ପାକିସ୍ତାନ ବାୟୁସେନା ପକ୍ଷରୁ ବିବୃତ୍ତି ଜାରି କରାଯାଇଛି। ଦୁର୍ଘଟଣାର କାରଣ ଜାଣିବା ପାଇଁ ବାୟୁସେନା ମୁଖ୍ୟାଳୟ ପକ୍ଷରୁ ନିର୍ଦ୍ଦେଶ ଦିଆଯାଇଛି ବୋଲି ବିବୃତ୍ତିରେ କୁହାଯାଇଛି।
