କେନ୍ଦ୍ରାପଡ଼ା :: ମହିଳାଙ୍କୁ ପ୍ରେମ ନିବେଦନ କରିଥିବା ରସିକିଆ ପୁଲିସ କନଷ୍ଟେବଳଙ୍କ ବିରୋଧରେ ମାର୍ଶାଘାଇ ଥାନାରେ ମାମଲା ରୁଜୁ ହୋଇଛି । ରସିକିଆ ପୁଲିସ କର୍ମଚାରୀ ଜଣକ ହେଉଛନ୍ତି କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ କୁଦାନଗରୀ ଥାନାରେ କାର୍ଯ୍ୟରତ କନଷ୍ଟେବଳ ଅଜୟ ସାହୁ । ଅଜୟ ଜିଲ୍ଲା ମାର୍ଶାଘାଇ ଥାନା ଅଂଚଳର ଜଣେ ମହିଳାଙ୍କୁ ଫୋନରେ ପ୍ରେମ ନିବେଦନ କରିଥିଲେ । ଏହା ସହ ମହିଳାଙ୍କ ଜଣେ ସଂପର୍କୀୟଙ୍କ ଘରକୁ ଦେଖା କରିବାକୁ ଡାକିଥିଲେ । ମହିଳା ଜଣକ ସଂପର୍କୀୟଙ୍କ ଘରକୁ ଯାଇଥିଲେ । ସେଠାରେ କନଷ୍ଟେବଳ ଜଣକ ତାଙ୍କ ଚରିତ୍ର ସଂହାର କରିଥିଲେ । ଏହାସହ ଜୀବନରୁ ମାରିଦେବେ ବୋଲି ଧମକ ଦେଇଥିଲେ । ଏ ନେଇ ମହିଳା ଜଣକ ଆରକ୍ଷୀ ଅଧୀକ୍ଷକଙ୍କ ନିକଟରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ଆରକ୍ଷୀ ଅଧୀକ୍ଷକ ସିଦ୍ଧାର୍ଥ କଟ୍ଟାରିଆ ମାର୍ଶାଘାଇ ଥାନାଧିକାରୀ ତପନ ନାୟକଙ୍କୁ ନିର୍ଦ୍ଦେଶ ଦେଇଥିଲେ । ଆରକ୍ଷୀ ଅଧୀକ୍ଷକଙ୍କ ନିର୍ଦ୍ଦେଶ ପାଇବା ପରେ ଥାନାଧିକାରୀ ତପନ ନାୟକ କନଷ୍ଟେବଳଙ୍କ ବିରୋଧରେ ମାମଲା ରୁଜୁ କରିଛନ୍ତି । ଏ ସଂକ୍ରାନ୍ତରେ ଥାନାଧିକାରୀ ତପନ ନାୟକଙ୍କୁ ପଚାରିବାରୁ ସେ କହିଲେ ଆରକ୍ଷୀ ଅଧୀକ୍ଷକଙ୍କ ନିର୍ଦ୍ଦେଶ ପାଇବା ପରେ ମାମଲା ରୁଜୁ ହୋଇଛି । ସଂପୃକ୍ତ ମହିଳାଙ୍କୁ ଥାନାକୁ ଡକାଯାଇ ତାଙ୍କ ବୟାନ ରେକର୍ଡ କରାଯାଇଛି । ଏହାସହ ସଂପୃକ୍ତ କନଷ୍ଟେବଳଙ୍କ ବିରୋଧରେ ମଧ୍ୟ ତଦନ୍ତ କରାଯାଉଛି । ମହିଳା ଜଣକ ସମସ୍ତ ପ୍ରମାଣ ଦେଇଛନ୍ତି । ସେହି ଆଧାରରେ ମାମଲା ରୁଜୁ ହୋଇ ତଦନ୍ତ ଚାଲିଛି ବୋଲି ତାନାଧିକାରୀ କହିଛନ୍ତି ।
Popular Categories
Previous article
Next article