‘ଶେରଶାହ’ ପାଇଁ ଖାସ୍ ପ୍ରଶିକ୍ଷଣ ନେଉଛନ୍ତି ସିଦ୍ଧାର୍ଥ
ମୁମ୍ବଇ : ବଲିଉଡ଼ ଅଭିନେତା ସିଦ୍ଧାର୍ଥ ମାଲ୍ହୋତ୍ରା ଚଳିତ ଦିନରେ କାର୍ଗିଲରେ ନିଜର ଆଗାମୀ ଚଳଚ୍ଚିତ୍ର ‘ଶେରଶାହ’ର ଶୁଟିଂ କରୁଛନ୍ତି। ସାମାଜିକ ଗଣମାଧ୍ୟମରେ ସର୍ବଦା ସକ୍ରିୟ ରହୁଥିବା ସିଦ୍ଧାର୍ଥ ଇନ୍ଷ୍ଟାଗ୍ରାମ୍ ଜରିଆରେ ପ୍ରଶଂସକଙ୍କୁ ସମସ୍ତ ତାଜା ତଥ୍ୟ ପ୍ରଦାନ କରିଥାଆନ୍ତି।
ନିକଟରେ ସେ ଇନ୍ଷ୍ଟାଗ୍ରାମରେ ନିଜର ଏକ ୱାର୍କଆଉଟ୍ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ସେ ଚଳଚ୍ଚିତ୍ର ପାଇଁ ବିଶେଷ ଓ କଠିନ ପ୍ରଶିକ୍ଷଣ ନେଉଥିବା ଦେଖିବାକୁ ମିଳିଛି। ସେ ହାଇ ଅଲ୍ଟିଟ୍ୟୁଡ଼୍ ଟ୍ରେନିଙ୍ଗ୍ ନେଉଥିବା ଲେଖିଛନ୍ତି।
‘ଶେରଶାହ’ରେ ସିଦ୍ଧାର୍ଥ ଡବଲ୍ ରୋଲରେ ନଜର ଆସିବେ। ଏହି ଚଳଚ୍ଚିତ୍ର କ୍ୟାପ୍ଟେନ ବିକ୍ରମ ବତ୍ରାଙ୍କ କାହାଣୀ ଉପରେ ଆଧାରିତ। ଭାରତୀୟ ସେନାର ଯବାନ ବିକ୍ରମ ବତ୍ରାଙ୍କୁ ପରମବୀର ଚକ୍ରରେ ସମ୍ମାନିତ କରାଯାଇଥିଲା। ଚଳଚ୍ଚିତ୍ରର ନିର୍ଦ୍ଦେଶନା ଭାର ବିଷ୍ଣୁ ୱରଧାନ ବହନ କରିଛନ୍ତି। ଏହା ଆସନ୍ତା ବର୍ଷ ମୁକ୍ତିଲାଭ କରିବ।
Comments are closed.