ଜମ୍ମୁ: ପାକିସ୍ତାନ ସେନା ପକ୍ଷରୁ ପୁଣି ଅସ୍ତ୍ର ବିରତି ଉଲ୍ଲଂଘନ କରାଯାଇଛି । ଏଥିରେ ଜଣେ ଭାରତୀୟ ଯବାନ ସହିଦ ହୋଇଥିବା ବେଳେ ଅନ୍ୟ ୪ ଜଣ ଯବାନ ଆହତ ହୋଇଥିବା ଜଣାପଡିଛି ।
ପୁଞ୍ଚ ଜିଲର କୃଷ୍ଣ ଘାଟି ସେକ୍ଟରରେ ମଙ୍ଗଳବାର ସକାଳ ୧୧ଟାରେ ପାକିସ୍ତାନ ସେନା ନିୟନ୍ତ୍ରଣ ରେଖା ନିକଟରେ ଅତର୍କିତ ଭାବେ ଗୋଳାବାରୁଦ ବର୍ଷଣ କରିଥିଲେ। ଭାରତୀୟ ଯବାନମାନେ ମଧ୍ୟ ଏହାର କଡା ଜବାବ ଦେଇଥିଲେ। ହେଲେ ପାକିସ୍ତାନ ସେନାଙ୍କ ଗୁଳିରେ ଭାରତୀୟ ଯବାନ ରଞ୍ଜନ କୁମାର (୩୬) ସହିଦ ହୋଇଛନ୍ତି। ତାଙ୍କ ଘର ବିହାରରେ ବୋଲି ଜଣାପଡିଛି। ଏଥିରେ ଅନ୍ୟ ୪ ଜଣ ଯବାନ ଆହତ ହୋଇଥିବା ସୂଚନା ମିଳିଛି। ଚିକିତ୍ସା ପାଇଁ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ, ଜମ୍ମୁ-କାଶ୍ମୀରରେ ଅନୁଚ୍ଛେଦ ୩୭୦ ହଟିବା ପରେ ପାକିସ୍ତାନ ସରକାର ଏବେ ରକ୍ତ ଚାଉଳ ଚୋବାଉଛି । ସେଥିପାଇଁ ପାକିସ୍ତାନ ପ୍ରତି ଦିନ ନିୟନ୍ତ୍ରଣ ରେଖା ନିକଟରେ କିଛି ନା କିଛି ଅସ୍ତ୍ର ବିରତି ଉଲ୍ଲଂଘନ କର୍ଯ୍ୟ ଜାରି ରଖିଛି। ଗତ ରବିବାର ପୁଞ୍ଚ ଜିଲା ମେଢାର ସବ୍ ଡିଭିଜନ ନିକଟରେ ପାକିସ୍ତାନ ସେନ ଅସ୍ତ୍ର ବିରତି ଉଲ୍ଲଂଘନ କରିଥିଲା। ଏଥିରେ ଜଣେ ୧୦ ବର୍ଷୀୟ ବାଳିକା ଆହତ ହୋଇଥିଲା।
