ପାକିସ୍ତାନ: ପାକିସ୍ତାନର ଉତ୍ତରପଶ୍ଚିମ ବଲୁଚିସ୍ତାନ ଅନ୍ତର୍ଗତ କ୍ୱେଟା ସହରର କୁଚଲକ ମସଜିଦରେ ଶୁକ୍ରବାର ବିସ୍ଫୋରଣ ଘଟି ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି। ସ୍ଥାନୀୟ ପୁଲିସ ଓ ଗଣମାଧ୍ୟମର ସୂଚନା ଅନୁଯାୟୀ, ମସଜିଦର ମୁଖ୍ୟ ଗୃହରେ ଶୁକ୍ରବାର ନମାଜ ପାଠ ପରେ ଏହି ବିସ୍ଫୋରଣ ଘଟିଛି। ଜିଓ ନିଉଜ ରିପୋର୍ଟ ଅନୁଯାୟୀ, ଏହି ବିସ୍ଫୋରଣରେ ଏକ ସମୟଚାଳିତ ବୋମା ବ୍ୟବହାର କରାଯାଇଥିବା ଜଣାପଡିଛି।
ଏହି ବିସ୍ଫୋରଣ ପାଇଁ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି। ବୋମା ବିସ୍ଫୋରଣ ପରେ ଘଟଣା ସ୍ଥଳରେ ଝରକା ଓ କାଚ ଖଣ୍ଡ ଏଣେତେଣେ ପଡିଥିବା ବେଳେ, ରକ୍ତ ଭିଜା ଟୋପି ଓ ଅନ୍ୟାନ୍ୟ ସାମଗ୍ରୀ ପଡିଥିବା ଦେଖାଯାଇଛି। ।
ବଲୁଚିସ୍ତାନର ବ୍ୟାପକ ଅଞ୍ଚଳ ଇରାନ ଓ ଆଫଗାନିସ୍ଥାନର ଅଂଶ ବିଶେଷ ଏବଂ ସମ୍ପୃକ୍ତ ଅଞ୍ଚଳ ପ୍ରାକୃତିକ ଗ୍ୟାସ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ। ସେଠାରେ ଗତ ଏକ ଦଶନ୍ଧି ମଧ୍ୟରେ ସାମ୍ପ୍ରଦାୟିକ ହିଂସାରେ ୨ ହଜାର ୨୦୦ରୁ ଅଧିକ ଲୋକଙ୍କ ପ୍ରଣହାନି ଘଟିଛି। ୬୪ ବିଲିଅନ ଡଲାର ସମ୍ପନ୍ନ ପାକିସ୍ତାନ-ଚୀନ ଅର୍ଥନୈତିକ କରିଡର ମଧ୍ୟ ସେହି ଅଞ୍ଚଳ ଦେଇ ଯାଉଥିବାରୁ ସେହି ଅଂଚଳରେ ଗମନା ଗମନ ବ୍ୟବସ୍ତା ଓ ରେଳ ନେଟୱର୍କ ସ୍ଥାପନ ପାଇଁ କାମ ଚାଲିଛି।
