ମୋହନା : ଗଜପତି ଜିଲା ମୋହନା ବ୍ଳକ ଅନ୍ତର୍ଗତ ବିରିକୋଟ ପଞ୍ଚାୟତ ଅଧିନ ଦୁମ୍ ପେଟା ଗ୍ରାମରେ ବଜ୍ରାଘାତରେ ଜଣେ ମହିଳା ଗୁରୁତର ହୋଇଥିବା ଜଣାପଡିଛି। ସୂଚନା ମୁତାବକ, ନିରଞ୍ଜନୀ ଦଳବେହେରା(୨୩) ନାମକ ଜଣେ ମହିଳା ବିଲ କାମ ସାରି ନିଜ ଘରକୁ ଆସି ରୋଷେଇ କରୁଥିବା ସମୟରେ ବଜ୍ରାଘାତ ହେବାରୁ ଘର ନିକଟରେ ରହିଥିବା ଏକ ନଡିଆ ଗଛ ପୋଡିଯାଇଥିଲା। ସେହି ବିଜୁଳି ସଂସ୍ୱର୍ଶରେ ମହିଳା ଜଣଙ୍କର ଶରୀରର ବିଭିନ୍ନ ଅଂଶ ପୋଡି ଯାଇଥିବା ବେଳେ ପାଖରେ ଶୋଇଥିବା ଝିଅ ନିଳସ୍ମିତା ଦଳବେହେରା(୪)ଙ୍କ ମଧ୍ୟ ଶରରୀର କିଛି ଅଂଶ ପୋଡି ଯାଇଥିବା ଦେଖିବାକୁ ମିଳିଛି। ସେହି ଅବସ୍ଥାରେ ତାଙ୍କୁ ଗ୍ରାମବାସୀଙ୍କ ସହଯୋଗରେ ବିରିକୋଟ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିଲା କିନ୍ତୁ ଡାକ୍ତର ଅନୁପସ୍ଥିତ ଥିବାରୁ ତାଙ୍କୁ ଏକ ବୋଲେରୋ ଯୋଗେ ମୋହନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ସୂଚନା ମିଳିଛି।
Popular Categories
Previous article
Next article