ଲିୟନ୍ (ଫ୍ରାନ୍ସ) : ଆମେରିକା ଫିଫା ମହିଳା ଫୁଟ୍ବଲ ବିଶ୍ବକପ୍ ଚମ୍ପିଆନ୍ ହୋଇଛି। ରବିବାର ଖେଳା ଯାଇଥିବା ଫାଇନାଲ ମ୍ୟାଚ୍ରେ ଆମେରିକା ୨-୦ ଗୋଲ୍ରେ ନେଦରଲାଣ୍ଡ୍ସକୁ ପରାସ୍ତ କରିଛି। ୧୯୯୧, ୧୯୯୯ ଓ ୨୦୧୫ରେ ଏହି ବିଶ୍ବକପ୍ ଚମ୍ପିଆନ୍ ହୋଇଥିବା ଆମେରିକା ରେକର୍ଡ ୪ର୍ଥ ଥର ପାଇଁ ଚମ୍ପିଆନ୍ ହୋଇଛି।
ଗୋଲ୍ଶୂନ୍ୟ ପ୍ରଥମାର୍ଦ୍ଧ ପରେ ଦ୍ବିତୀୟାର୍ଦ୍ଧରେ ଆମେରିକା ଉଭୟ ଗୋଲ୍ ସ୍କୋର୍ କରିଥିଲା। ୬୧ ମିନିଟରେ ଭିଏଆର୍ ଜରିଆରେ ଆମେରିକାକୁ ପେନାଲ୍ଟି ମିଳିଥିଲା। ଏଥିରୁ ଅଧିନାୟିକା ମେଗାନ୍ ରାପିନୋ ଗୋଲ୍ଦେଇ ଦଳକୁ ଆଗୁଅା କରିଥିଲେ। ୬୯ ମିନିଟରେ ଆମେରିକାର ରୋଜ୍ମ୍ୟାରି ଲାଭେଲ୍ ୨ୟ ଗୋଲ୍ ସ୍କୋର୍ କରିଥିଲେ। ଏହି ବିଜୟ ଫଳରେ ଚମ୍ପିଆନ୍ ଆମେରିକା ୪ ନିୟୁତ ଡଲାର ପୁରସ୍କାର ରାଶି ପାଇଛି। ଆମେରିକାର ମେଗାନ୍ ରାପିନୋ, ଆଲେକ୍ସ ମୋର୍ଗାନ୍ ଓ ଇଂଲଣ୍ଡର ଏଲେନ୍ ହ୍ବାଇଟ୍ ସର୍ବାଧିକ ୬ଟି ଲେଖାଏଁ ଗୋଲ୍ ସ୍କୋର୍ କରିଥିଲେ। ମେଗାନ୍ ରାପିନୋ ଉଭୟ ଗୋଲ୍ଡେନ୍ ବଲ୍ ଓ ଗୋଲ୍ଡେନ୍ ବୁଟ୍ ପୁରସ୍କାର ପାଇଥିଲେ।
Comments are closed.