ନୂଆଦିଲ୍ଲୀ . – ସପ୍ନା ଚୌଧୁରୀ ଏବେ ରାଜନୀତି କରିବେ । ରବିବାରରେ ସେ ବିଜେପିରେ ସାମିଲ ହୋଇଛନ୍ତି । ନିଜର ନୃତ୍ୟ ଓ ଅଭିନୟ ପାଇଁ ଉତ୍ତର ଭାରତରେ ସେ ପ୍ରସିଦ୍ଧି ଲାଭ କରିଛନ୍ତି । ଜବାହରଲାଲ ନେହେରୁ ଷ୍ଟାଡିୟମରେ ଦିଲ୍ଲୀ ବିଜେପିର ସଦସ୍ୟତା ସଂଗ୍ରହ କାର୍ଯ୍ୟକ୍ରମରେ ସେ ଶିବରାଜ ସିଂ ଚୌହାନଙ୍କ ଉପସ୍ଥିତିରେ ଦଳର ସଦସ୍ୟତା ଗ୍ରହଣ କରିଥିଲେ ।
Haryanavi dancer Sapna Chaudhary joins Bharatiya Janata Party at the party’s membership drive program in Delhi. pic.twitter.com/G9jmj0tOrt
— ANI (@ANI) July 7, 2019
ଏହି ଅବସରରେ ଅନେକ ଲୋକ ବିଜେପିର ସଦସ୍ୟତା ଗ୍ରହଣ କରିଛନ୍ତି । ପୂର୍ବରୁ ସପ୍ନା ରାଜନିତୀରେ ପ୍ରବେଶ କରିବେ ନେଇ ଅନେକ ଚର୍ଚ୍ଚା ହେଉଥିଲା । ଆଗରୁ ସପ୍ନା ନିଜକୁ କଳାକାର ବୋଲି କହିବା ସହ ରାଜନୀତିରେ ପ୍ରବେଶ କରିବାର କୌଣସି ଅଭିପ୍ରାୟ ନଥିବା କଥା ପ୍ରକାଶ କରିଥିଲେ । ତାଙ୍କର ପ୍ରିୟଙ୍କା ଗାନ୍ଧୀଙ୍କ ସହ ଏକ ଫଟୋ ନେଇ ଅନେକ ଖବର ପ୍ରକାଶିତ ହୋଇଥିଲା । ମାତ୍ର ଏହି ଫଟୋଟି ବହୁତ ପୁରୁଣା ବୋଲି ସେ କହିଥିଲେ ।
