ଲଣ୍ଡନ୍: ବିଶ୍ବକପ୍ର ଲିଗ୍ ପର୍ଯ୍ୟାୟ ଶେଷ ନହେଉଣୁ ସେମିଫାଇନାଲ ଖେଳିବା ଅଙ୍କକଷା ଆରମ୍ଭ ହୋଇଗଲାଣି। ୪ଟି ଦଳ- ଅଷ୍ଟ୍ରେଲିଆ, ଭାରତ, ଇଂଲଣ୍ଡ ଓ ନ୍ୟୁଜିଲାଣ୍ଡ ସେମିଫାଇନାଲ ଖେଳିବା ପ୍ରାୟ ନିଶ୍ଚିତ। ଇଂଲଣ୍ଡ ୩ୟ ଓ ନ୍ୟୁଜିଲାଣ୍ଡ ୪ର୍ଥ ସ୍ଥାନରେ ରହିବା ମଧ୍ୟ ନିଶ୍ଚିତ ହୋଇଛି। ପ୍ରଥମ ୨ଟି ସ୍ଥାନରେ ଅଷ୍ଟ୍ରେଲିଆ ଓ ଭାରତ ରହିବା ମଧ୍ୟ ପକ୍କା। ସେମିଫାଇନାଲରେ ୧ନଂ ଦଳ ଓ ୪ନଂ ଦଳ ଏବଂ ୨ନଂ ଦଳ ଓ ୩ନଂ ଦଳ ମଧ୍ୟରେ ମୁକାବିଲା ହେବ। ଭାରତ ଶେଷ ମ୍ୟାଚ୍ରେ ଶ୍ରୀଲଙ୍କାକୁ ପରାସ୍ତକଲେ ଏହା ୧୫ ପଏଣ୍ଟ ପାଇବ। ଯଦି ଶେଷ ମ୍ୟାଚ୍ରେ ଦକ୍ଷିଣ ଆଫ୍ରିକାକୁ ଅଷ୍ଟ୍ରେଲିଆ ପରାସ୍ତକରେ ଏହା ୧୬ ପଏଣ୍ଟ ସହ ଶୀର୍ଷରେ ରହିବ। ଏପରିହେଲେ ଆସନ୍ତା ୧୧ରେ ବର୍ମିଂହାମ୍ରେ ଭାରତ-ଇଂଲଣ୍ଡ ସେମିଫାଇନାଲ ଖେଳାଯିବ। ଏହାର ପୂର୍ବଦିନ ଅଷ୍ଟ୍ରେଲିଆ-ନ୍ୟୁଜିଲାଣ୍ଡ ସେମିଫାଇନାଲ ଖେଳାଯିବ। ତେବେ ଯଦି ଅଷ୍ଟ୍ରେଲିଆକୁ ଦକ୍ଷିଣ ଆଫ୍ରିକା ପରାସ୍ତକରେ; ତେବେ ସମୀକରଣ ବଦଳିଯିବ। ଶୀର୍ଷରେ ରହି ନ୍ୟୁଜିଲାଣ୍ଡ ସହ ସେମିଫାଇନାଲ ଖେଳିବ ଭାରତ ଏବଂ ଅଷ୍ଟ୍ରେଲିଆର ମୁକାବିଲା କରିବ ଇଂଲଣ୍ଡ।
Comments are closed.