ତୁଷୁରା: ଖର୍ଡ଼ା ଗ୍ରାମକୁ ଜଳଯୋଗାଣ ନ ହେବା ନେଇ ତୁଷୁରା ଏନଏସି ଅର୍ନ୍ତଗତ ଖର୍ଡ଼ା ଗ୍ରାମର ଶତାଧିକ ମହିଳା ଓ ପୁରୁଷ ପିଇବା ପାଣି ନପାଇ ୧୨ ଘଂଟା ଧରି ରାସ୍ତା ଅବରୋଧ କରି ସାତ ଦିନ ସମୟ ମାଗିବାରୁ ଧାରଣା ପ୍ରତ୍ୟାହୃତ କରିଛନ୍ତି। ପ୍ରକାଶ ଯେ ତୁଷୁରା ଏନଏସି ଅର୍ନ୍ତଗତ ଖର୍ଡ଼ା ୱାର୍ଡ଼ ଏନଏସିର ୨ ନମ୍ବର ୱାର୍ଡ଼। ଏହି ଖର୍ଡ଼ା ଗ୍ରାମ ନଦୀ କୂଳରେ ଅବସ୍ଥିତ। ଏହି ନଦୀରୁ ଗ୍ରାମ୍ୟ ଜଳ ଯୋଗାଣ ବିଭାଗ ଦ୍ୱାରା ଖର୍ଡ଼ା ଓ ଲିଖିରିଆ ଗ୍ରାମକୁ ପାନୀୟ ଜଳ ଯୋଗାଣ ହୋଇ ଆସୁଥିଲା। କିନ୍ତୁ ପରବର୍ତ୍ତୀ ସମୟରେ ବିଭିନ୍ନ ସମସ୍ୟା ଯୋଗୁ ଜନସ୍ୱାସ୍ଥ୍ୟ ବିଭାଗ ଓ ଦୁଇ ଗାଓଁ ମଧ୍ୟରେ ଯୋଗାଣ ନେଇ ବିବାଦ ଦେଖା ଦେଇଥିଲା।
ତେବେ ଏନେଇ ସମାଧାନର ବାଟ ବାହାରି ପାରି ନଥିବାରୁ ଆଜି ବୁଧବାର ସକାଳ ୭ ଟାରୁ ଖର୍ଡ଼ା ଗ୍ରାମ ଛକରେ ତୁଷୁରା- ଲିଖିରିଆ ରାସ୍ତା ମଝିରେ ଗରା ବାଲଟି ରଖି ରାସ୍ତାକୁ ଅବରୋଧ କରିଥିଳେ। ପରେ ଜନସ୍ୱାସ୍ଥ୍ୟ ବିଭାଗ ଜେଇ ୭ ଦିନ ସମୟ ଦିଆଯାଉ ବୋଲି କହିବା ତଥା ସ୍ଥାୟୀ ସମାଧାନ ହେବା ପର୍ଯ୍ୟନ୍ତ ଟ୍ୟାଙ୍କରରେ ପାଣି ଦିଆଯିବା ପ୍ରତିଶୃତି ପରେ ସଂନ୍ଧ୍ୟା ୭ ଟାରେ ରାସ୍ତା ଅବରୋଧ ହଟିଥିଲା।
