କଟକ: କଟକ ଜିଲ୍ଲା ନିଆଳି ଓଲଟପୁର ଥାନା ଅନ୍ତର୍ଗତ ଓଲଟପୁରସ୍ଥିତ ସ୍ୱାମୀ ବିବେକାନନ୍ଦ ଜାତୀୟ ପ୍ରତିଷ୍ଠାନ ଓ ପୁନର୍ବାସ ପ୍ରଶିକ୍ଷଣ କେନ୍ଦ୍ର, ନିରତାରର ନିର୍ଦ୍ଦେଶକ ଶକ୍ତି ପ୍ରସାଦ ଦାଶ ଦୁର୍ବୃତ୍ତଙ୍କ ଆକ୍ରମଣରେ ଆହତ ହୋଇଛନ୍ତି। ସେ ଓଲଟପୁର ହସ୍ପିଟାଲରୁ କାମ ସାରି ଫେରୁଥିବା ସମୟରେ ଦାମୋଦରପୁର ବଜାରରେ ଦୁଇଜଣ ଅଜଣା ଦୁର୍ବୃତ୍ତ ଏକ ମୋଟରସାଇକେଲର ଆସି କାର୍ ଉପରକୁ ଢେଲାପଥର ଓ ବନ୍ଧୁକ ଦ୍ୱାରା ଆକ୍ରମଣ କରିଥିଲେ।
ଆକ୍ରମଣରେ ନିରତାର ନିର୍ଦ୍ଦେଶକ ଶକ୍ତିପ୍ରସାଦ ଦାଶ ଆହତ ହେବା ସହିତ ଗାଡ଼ି କ୍ଷତିଗ୍ରସ୍ତ ହୋଇଛି ଏବଂ ଦୁର୍ବୃତ୍ତମାନେ ଗାଡ଼ି ଭିତରେ ବନ୍ଧୁକ ଛାଡି ଫେରାର ହୋଇଯାଇଛନ୍ତି। ଏନେଇ ଓଲଟପୁର ଥାନାରେ ଅଭିଯୋଗ ପରେ ଘଟଣାସ୍ଥଳରେ ଓଲଟପୁର ଥାନା ପୋଲିସ ପହଞ୍ଚି ତଦନ୍ତ ଚଳାଇଛି।
