ନୂଆଦିଲ୍ଲୀ: ବିଜେପି ସାଂସଦ ଓମ ବିର୍ଲା ବୁଧବାର ଲୋକସଭାର ବାଚସ୍ପତି ଭାବେ ନିର୍ବାଚିତ ହୋଇଛିନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାଚସ୍ପତି ପଦବୀ ପାଇଁ ଓମ ବିର୍ଲାଙ୍କ ନାମ ପ୍ରସ୍ତାବ ଦେଇଥିଲେ। ବାଚନିକ ଭୋଟରେ ପ୍ରସ୍ତାବ ଗୃହୀତ ହୋଇଥିଲା। ସର୍ବସମ୍ମତି କ୍ରମେ ବିର୍ଲା ବାଚସ୍ପତି ଭାବେ ନିର୍ବାଚିତ ହୋଇଥିଲେ। ଏହା ପରେ ସେ ଗୃହରେ ଦାୟିତ୍ଵ ଗ୍ରହଣ କରିଥିଲେ। ଦାୟିତ୍ଵ ନେବା ସମୟରେ ମୋଦୀ ତାଙ୍କୁ ତାଙ୍କ ଆସନ ପର୍ଯ୍ୟନ୍ତ ଛାଡ଼ିବାକୁ ଯାଇଥିଲେ। ସୂଚନାଯୋଗ୍ୟ, ରାଜସ୍ଥାନର କୋଟା ଲୋକସଭା ଆସନରୁ ୨ଥର ସାଂସଦ ଏବଂ ଦକ୍ଷିଣ କୋଟା ବିଧାନସଭା ଆସନରୁ ୩ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି।
ବିର୍ଲା ଦାୟିତ୍ଵ ନେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ପ୍ରଶଂସା କରିଥିଲେ। ମୋଦୀ କହିଥିଲେ, ଓମ୍ ବିର୍ଲା ଦେଶର କ୍ୟାରିୟର ହବ୍ ରାଜସ୍ଥାନର କୋଟାରୁ ନିର୍ବାଚିତ ହୋଇଛନ୍ତି। ରାଜସ୍ଥାନର ଏହି ଛୋଟ ସହର ଏବେ ମିନି ଭାରତରେ ପରିଣତ ହୋଇଛି। ସବୁ ଛାତ୍ରୀଛାତ୍ରଙ୍କ ଲକ୍ଷ୍ୟ କୋଟା ଆସି କ୍ୟାରିୟର କରିବେ। କୋଟାକୁ ଏ ସ୍ତରରେ ପହଞ୍ଚାଇବାରେ ବିର୍ଲାଙ୍କ ପ୍ରମୁଖ ଭୂମିକା ରହିଛି। କୋଟାରେ ଯେପରି କେହି ଭୋକରେ ନ ରହିବେ ସେଥିଲାଗି ସେ ଶପଥ ନେଇଥିଲେ। ପ୍ରସାଦମ ଯୋଜନା ଜରିଆରେ ସେ ଗରିବଙ୍କୁ ଖାଦ୍ୟ ଦେଉଥିଲେ। ଜନସେବାକୁ ସେ ଜନ ଆନ୍ଦୋଳନରେ ପରିଣତ କରିଛନ୍ତି ବୋଲି ମୋଦୀ କହିଥିଲେ।
