ବ୍ରିଷ୍ଟଲ : ବିଶ୍ବକପ୍ ପୂର୍ବରୁ ତା’ର ବିସ୍ଫୋରକ ବ୍ୟାଟିଂ ପ୍ରଦର୍ଶନ କରି ପ୍ରତିପକ୍ଷ ଦଳଙ୍କୁ ଚେତାବନୀ ଦେଇଛି ୱେଷ୍ଟଇଣ୍ଡିଜ୍। ୩ ଦିନ ତଳେ ଭାରତୀୟ ବ୍ୟାଟିଂକୁ ଧ୍ବସ୍ତ କରିଥିବା ନ୍ୟୁଜିଲାଣ୍ଡର ବୋଲିଂ ବିରୋଧରେ ମଙ୍ଗଳବାର ଅଭ୍ୟାସ ମ୍ୟାଚ୍ରେ ୱେଷ୍ଟଇଣ୍ଡିଜ୍ ୪୨୧ ରନ୍କରି ଅଲ୍ଆଉଟ ହୋଇଥିଲା। ଫଳରେ ନ୍ୟୁଜିଲାଣ୍ଡ ୯୧ ରନ୍ରେ ବିଜୟୀ ହୋଇଛି। କେବଳ ନିକୋଲାସ୍ ପୂରନ୍ଙ୍କୁ ଛାଡ଼ି ଦଳର ସମସ୍ତ ବ୍ୟାଟ୍ସମ୍ୟାନ୍ ରନ୍ କରିଥିଲେ; ତାହା ପୁଣି ଦ୍ରୁତଗତିରେ। ସାଇ ହୋପ୍ ଶତକ ମାରିଥିଲେ। ୪୨୨ ରନ୍ ଲକ୍ଷ୍ୟରେ ନ୍ୟୁଜିଲାଣ୍ଡ ୪୭.୨ ଓଭରରେ ୩୩୦ ରନ୍କରି ଅଲ୍ଆଉଟ ହୋଇଥିଲା।
ନ୍ୟୁଜିଲାଣ୍ଡ ୱିକେଟ ରକ୍ଷକ ଟମ୍ ବ୍ଲଣ୍ଡେଲ ଶତକ (୧୦୬) ମାରିଥିଲେ। ବ୍ରଣ୍ଡେଲ ୮୯ ବଲ୍ ଖେଳି ୫ଟି ଛକା ଓ ୮ଟି ଚୌକା ମାରିଥିଲେ। ଅଧିନାୟକ କେନ୍ ୱିଲିୟମ୍ସନ ୬୪ ବଲ୍ରୁ ଗୋଟିଏ ଛକା ଓ ୧୧ଟି ଚୌକା ସହ ୮୫ ରନ୍ କରିଥିଲେ। ଇସ୍ ସୋଢ଼ି ୩୯ ରନ୍ କରିଥିବା ବେଳେ ଅନ୍ୟ କେହି ବଡ଼ ସ୍କୋର୍ କରି ପାରିନଥିଲେ। କ୍ରେଗ୍ ବ୍ରାଥ୍ୱେଟ୍ ୩ଟି ଓ ଫାବିଏନ୍ ଆଲେନ୍ ୨ଟି ୱିକେଟ ନେଇଥିଲେ।
ଆରମ୍ଭରୁ କ୍ରିସ୍ ଗେଲ୍ଙ୍କ ବ୍ୟାଟ୍ ଚମକିଥିଲା। ୫୯ ରନ୍ର ଦ୍ରୁତ ଓପ୍ନିଂ ଭାଗିଦାରୀ ପରେ ଗେଲ୍ ୨୨ ବଲ୍ରୁ ୩ଟି ଛକା ଓ ୪ଟି ଚୌକା ସହ ୩୬ ରନ୍ କରିଥିଲେ। ଅନ୍ୟ ଓପ୍ନର ଏଭିନ୍ ଲୁଇସ୍ ୫୪ ବଲ୍ରୁ ଗୋଟିଏ ଛକା ଓ ୪ଟି ଚୌକା ସହ ୫୦ ରନ୍ କରିଥିଲେ। ବାମହାତି ଡ୍ୟାରେନ୍ ବ୍ରାଭୋ ୨୨ ବଲ୍ରୁ ଗୋଟିଏ ଛକା ଓ ୩ଟି ଚୌକା ସହ ୨୫ ରନ୍ କରିଥିଲେ। ସିମ୍ରନ୍ ହେତ୍ମେୟର ୨୪ ବଲ୍ରୁ ଗୋଟିଏ ଛକା ଓ ୩ଟି ଚୌକା ସହ ୨୭ ରନ୍ କରିଥିଲେ। ସାଇ ହୋପ୍ ୮୬ ବଲ୍ରୁ ୪ଟି ଛକା ଓ ୯ଟି ଚୌକା ସହ ୧୦୧ ରନ୍ କରିଥିଲେ। ଅଧିନାୟକ ଜେସନ୍ ହୋଲ୍ଡର ୩୨ ବଲ୍ରୁ ୩ଟି ଲେଖାଏଁ ଛକା ଓ ଚୌକା ସହ ୪୭ ରନ୍ କରିଥିଲେ। ଆଇପିଏଲ୍ର ସଫଳତା ଏହି ମ୍ୟାଚ୍ରେ ମଧ୍ୟ ଦୋହରାଇଥିଲେ ଆେନ୍ଦ୍ର ରସେଲ। ଆଇପିଏଲ୍ ପରି ରସେଲ ଏହି ମ୍ୟାଚ୍ରେ ମଧ୍ୟ ବିସ୍ଫୋରକ ବ୍ୟାଟିଂ କରିଥିଲେ। ୨୫ ବଲ୍ରୁ ରସେଲ ୩ଟି ଛକା ଓ ୭ଟି ଚୌକା ସହ ୫୪ ରନ୍ କରିଥିଲେ। କ୍ରେଗ୍ ବ୍ରାଥ୍ୱେଟ୍ ୧୬ ବଲ୍ରୁ ଗୋଟିଏ ଛକା ଓ ୩ଟି ଚୌକା ସହ ୨୪ ରନ୍ କରିଥିବା ବେଳେ ଆସ୍ଲେ ନର୍ସ ୨୧ ରନ୍କରି ଅପରାଜିତ ଥିଲେ।
ନ୍ୟୁଜିଲାଣ୍ଡକୁ ହରାଇଲା ୱେଷ୍ଟଇଣ୍ଡିଜ୍
Popular Categories
Previous article
Next article