ଚେନ୍ନଇ : ଦୁଇ ଜଣ ଯୁବକ ରବିବାର ରାତି ପ୍ରାୟ ଦୁଇଟା ସମୟରେ ମୋଟର ସାଇକଲରେ ଆସି ଏରିକାରାଇ ଅଞ୍ଚଳର ବରଦାପୁରମ୍ ରାସ୍ତାରେ ଏକ ବ୍ୟାଗ୍ ଫିଙ୍ଗି ଦେଇଗଲେ; ଯେଉଁଥିରେ ଦେଢ଼ କୋଟି ଟଙ୍କା ଥିଲା। ପରେ ଏହି ଟଙ୍କା ନେବାକୁ ମଧ୍ୟ କେହି ଆସି ନାହାନ୍ତି। ଏଭଳି କହିଛନ୍ତି ଚେନ୍ନଇର ଅବିରାମପୁରମ୍ ଥାନା ଅଧିକାରୀ। ରାତ୍ରି ପାଟ୍ରୋଲିଂ କରୁଥିବା ପୁଲିସ ସମ୍ପୃକ୍ତ ଯୁବକଙ୍କୁ ପିଛା କରିଥିଲେ ମଧ୍ୟ ଧରିବାରେ ବିଫଳ ହୋଇଥିଲେ। ପରେ ଘଟଣାସ୍ଥଳରୁ ସନ୍ଦିଗ୍ଧ ବ୍ୟାଗ୍କୁ ଉଦ୍ଧାର କରି ଥାନାକୁ ଆଣିଥିଲେ। ବ୍ୟାଗ ଖୋଲି ଟଙ୍କା ଗଣିବାବେଳକୁ ଏଥିରେ ଦେଢ଼ କୋଟି ଟଙ୍କାର କେବଳ ୫୦୦ଟଙ୍କିଆ ନୋଟ୍ ରହିଥିବା ଦେଖିବାକୁ ମିଳିଥିଲା। ଏ ନେଇ ତଦନ୍ତ ଚାଲିଛି; ଏତେଗୁଡ଼ାଏ ଟଙ୍କା ଥାନାରେ ନ ରଖି ସରକାରୀ କୋଷାଗାରକୁ ଦିଆଯିବ ବୋଲି ସେ କହିଛନ୍ତି।
Comments are closed.