କଲମ୍ବୋ : ଶ୍ରୀଲଙ୍କାର ପୂର୍ବାଞ୍ଚଳ ନିନ୍ତାବୁର ପ୍ରଦେଶରେ ଆଇଏସଆଇଏସ ଆତଙ୍କବାଦୀମାନଙ୍କ ଆଡ୍ଡାସ୍ତଳୀ ଉପରେ ନିରାପତ୍ତା ବାହିନୀ ଯବାନମାନଙ୍କ ଆକ୍ରମଣରେ ୬ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି। ଶୁକ୍ରବାର ରାତିରେ ଏହି ଚଢ଼ଉ କରାଯାଇଥିଲା। ଦେଶର ପ୍ରତିରକ୍ଷା ମୁଖପାତ୍ର ବ୍ରିଗେଡିୟର୍ ସୁମିତ୍ ଆଟ୍ଟାପଟୁ କହିଛନ୍ତି, ଦୁଇ ଜଣ ଆତଙ୍କବାଦୀଙ୍କର ଗୁଳିମାଡରେ ମୃତ୍ୟୁ ଘଟିଛି। ଅନ୍ୟ ୪ ଜଣ ଆତଙ୍କବାଦୀଙ୍କର ବିସ୍ଫୋରଣରେ ମୃତ୍ୟୁ ଘଟିଛି। ବିସ୍ଫୋରଣରେ ୬ ଜଣ ପିଲା ଓ ୩ ଜଣ ମହିଳାଙ୍କର ମଧ୍ୟ ମୃତ୍ୟୁ ଘଟିଛି। ପୂର୍ବରୁ ନିରାପତ୍ତା ବାହିନୀ ଜବାନମାନେ ସାମନ୍ତୁରାଇ ଅଞ୍ଚଳରୁ ବହୁ ବିସ୍ଫୋରକ ପଦାର୍ଥ ଆଇଏସଆଇଏସ ପତାକା, ଆତ୍ମଘାତୀ ଆକ୍ରମଣ ପାଇଁ ବ୍ୟବହୃତ ସାମଗ୍ରୀ ଓ ସାମରିକ ପୋଷାକ ଉଦ୍ଧାର କରିଥିଲେ। ସମଗ୍ର ଦେଶରେ ଜବାନମାନେ ଖାନ୍ତଲାସୀ ଚଳାଇଛନ୍ତି । ଏହି ଚଢ଼ଉରେ ୨୦ ଜଣ ସନ୍ଦିଗ୍ଧ ଲୋକଙ୍କୁ ଗିରଫ କରାଯାଇଛି। ନିରାପତ୍ତା ପରିସ୍ଥିତି ଅସ୍ଥିର ରହିଛି ଓ ସତର୍କ ରହିବାକୁ ଲୋକମାନଙ୍କୁ ପରାମର୍ଶ ଦିଆଯାଇଛି।
ପ୍ରାୟ ୧୪୦ଜଣ ଆଇଏସ୍ ଆତଙ୍କବାଦୀ ଶ୍ରୀଲଙ୍କାରେ ଅଛନ୍ତି ଓ ସେମାନଙ୍କୁ ଧରିବା ପାଇଁ ନିରାପତ୍ତା ବାହିନୀ ଯବାନମାନେ ପ୍ରୟାସ ଚଳାଇଥିବା ରାଷ୍ଟ୍ରପତି ମୈତ୍ରୀପାଳ ସିରିସେନା ଗତକାଲି ଜଣାଇଛନ୍ତି।
