ମୁମ୍ବଇ : ମହାରାଷ୍ଟ୍ର ଥାଣେର ଏକ କୋର୍ଟ ବୁଧବାର କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ସିପିଆଇଏମ୍ ନେତା ସୀତାରାମ ୟେଚୁରୀଙ୍କୁ ସମନ ଜାରି କରିଛନ୍ତି। ରାହୁଲ ଏବଂ ସୀତାରାମ ସାମ୍ବାଦିକା ଗୌରୀଲଙ୍କେଶ ହତ୍ୟାକାଣ୍ଡ ସହ ରାଷ୍ଟ୍ରୀୟ ସ୍ୱୟଂ ସହାୟକ ଦଳ (ଆରଏସ୍ଏସ୍)କୁ ଯୋଡ଼ି ବଦନାମ କରିଥିବା ଅଭିଯୋଗ ହୋଇଥିଲା। ଏହା ଉପରେ ଜବାବ ଦେବାକୁ ଉଭୟଙ୍କୁ ସମନ ଜାରି କରାଯାଇଛି। ଉଭୟଙ୍କୁ ଅପ୍ରେଲ ୩୦ରେ କୋର୍ଟରେ ହାଜର ହେବାକୁ କୁହାଯାଇଛି। ଆରଏସ୍ଏସ୍ କାର୍ଯ୍ୟକର୍ତ୍ତା ବିବେକ ଚମ୍ପାନେରକରଙ୍କ ପକ୍ଷରୁ ଦାଖଲ ମାନହାନୀ ଆବେଦନ ଉପରେ କୋର୍ଟ ଉଭୟଙ୍କୁ ସମନ ଜାରି କରିଛନ୍ତି।
ବିବେକ ଚମ୍ପାନେରକର ଅଭିଯୋଗ କରିଛନ୍ତି ଯେ ଉଭୟ ନେତା ଲଙ୍କେଶଙ୍କ ହତ୍ୟାକାଣ୍ଡ ସହ ଆରଏସ୍ଏସ୍କୁ ଯୋଡ଼ି ବଦନାମ କରିଛନ୍ତି। ମାମଲାର ଶୁଣାଣି କରୁଥିବା ସିଭିଲ ଜଜ ଏସ୍ ଭାଟିଆ ବୁଧବାର ରାହୁଲ ଏବଂ ସୀତାରାମଙ୍କୁ ସମନ ଜାରି କରିିବା ପୂର୍ବକ ଅପ୍ରେଲ ୩୦ରେ କୋର୍ଟରେ ହାଜର ହେବାକୁ ନିର୍ଦେଶ ଦେଇଛନ୍ତି।
Comments are closed.