ମୁମ୍ବଇ : ବଲିଉଡ ବାଦଶାହା ଶାହରୁଖ ଖାନ୍ଙ୍କ ଅନୁରୋଧକ୍ରମେ ଜର୍ମାନୀର ତାରକା ଫୁଟବଲ ଖେଳାଳି ମେସୁଟ୍ ଓଜିଲ ଭାରତ ଭ୍ରମଣରେ ଆସିବାକୁ ପ୍ରତିଶ୍ରୁତି ଦେଇଛନ୍ତି। ନିକଟରେ ଲଣ୍ଡନ ଗସ୍ତରେ ଯାଇଥିବାବେଳେ ଶାହରୁଖ୍ ଏମିରେଟ୍ସ ଷ୍ଟାଡିୟମରେ ଆର୍ସନେଲ ଓ ନ୍ୟୁ କ୍ୟାସେଲ ୟୁନାଇଟେଡ୍ ମଧ୍ୟରେ ଖେଳାଯାଇଥିବା ଇପିଏଲ ଫୁଟବଲ ମ୍ୟାଚକୁ ଉପଭୋଗ କରିଥିଲେ। ଏହି ମ୍ୟାଚରେ ଓଜିଲ ଆର୍ସନେଲ କ୍ଲବକୁ ପ୍ରତିନିଧିତ୍ବ କରିଥିଲେ। ମ୍ୟାଚ ଶେଷ ହେବାପରେ ଓଜିଲ ଶାହରୁଖ୍ଙ୍କୁ ନିଜ ଡ୍ରେସିଂରୁମକୁ ଆମନ୍ତ୍ରଣ କରିଥିଲେ। ସୂଚନାଯୋଗ୍ୟ ଜେଣ ଜର୍ମାନୀ ଫୁଟବଲର ହୋଇଥିଲେ ସୁଦ୍ଧା ଓଜିଲ ହେଉଛନ୍ତି ଶାହରୁଖଙ୍କ ବଡ ପ୍ରଶଂସକ। ଆଲୋଚନା ସମୟରେ ଭାରତ ଆସିବାକୁ ଶାହରୁଖ ତାଙ୍କୁ ଆମନ୍ତ୍ରଣ ଜଣାଇଥିବାବେଳେ ଓଜିଲ ଏହାକୁ ସ୍ବୀକାର କରିଥିବା ପ୍ରକାଶ। ଏହି ଅବସରରେ ଓଜିଲ ଶାହରୁଖଙ୍କୁ ଆର୍ସନେଲ କ୍ଲବର ଏକ ଜର୍ସି ଉପହାର ଦେଇଥିଲେ। ୧୦ ନମ୍ବର ଜର୍ସି ପରିଧାନ କରୁଥିବା ୩୦ ବର୍ଷୀୟ ଓଜିଲ ଜର୍ମାନୀ ପକ୍ଷରୁ ୯୨ଟି ମ୍ୟାଚ ଖେଳି ୨୩ଟି ଗୋଲ ସ୍କୋର କରିଛନ୍ତି। ସେ ସ୍ପେନର ରିଏଲ ମାଦ୍ରିଦ (୨୦୦୯-୨୦୧୩) ଓ ଇଂଲଣ୍ଡର ଆର୍ସନେଲ କ୍ଲବକୁ (୨୦୧୩ରୁ) ମଧ୍ୟ ପ୍ରତିନିଧିତ୍ବ କରିବାର ସୁଯୋଗ ପାଇଛନ୍ତି। ଏହାବ୍ୟତୀତ ଓଜିଲ ଜର୍ମାନୀ ପକ୍ଷରୁ ତିନିଟି ବିଶ୍ବକପରେ ମଧ୍ୟ ଅଂଶଗ୍ରହଣ କରିଛନ୍ତି।
Comments are closed.