କଟକ : କଟକ ଜିଲା ଚୌଦ୍ୱାର ନିକଟରେ ଥିବା ମଙ୍ଗୁଳିଠାରେ ସୋମବାର ଏକ ଡ଼ାଲି ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଟ୍ରକ ଚାଳକ ଓ ହେଲପର ଗୁରୁତର ଆହତ ହୋଇଛନ୍ତି। ସୂଚନା ଯୋଗ୍ୟ, ୫୫ ନମ୍ବର ଜାତୀୟ ରାଜପଥର ଚୌଦ୍ୱାର ମଙ୍ଗୁଳି ହାଇଲେବୁଲ କେନାଲ ପୋଲ ଉପରୁ ଟ୍ରକଟି ପୋଲର ବାଡ଼ ଭାଙ୍ଗି ତଳକୁ ଓଲଟି ପଡ଼ିଥିଲା। ଚୌଦ୍ୱାର ପୁଲିସ ଘଟଣାସ୍ଥଳରେ ପହଞ୍ଚି ଗୁରୁତର ଆହତ ହୋଇଥିବା ଟ୍ରକ ଚାଳକ ଓ ହେଲପରଙ୍କୁ କଟକ ବଡ଼ ମେଡ଼ିକାଲକୁ ଚିକିତ୍ସା ନିମନ୍ତେ ପଠାଇଥିବା ଜଣାପଡ଼ିଛି।
