ଭୁବନେଶ୍ୱର : ରାଜ୍ୟ ସରକାରଙ୍କ ଆଳୁ ମିଶନ ଫେଲ ମାରିଛି । ଆଳୁ ମିଶନରେ ଟଙ୍କା ଲୁଟ୍ ହୋଇଛି ଏବଂ ଲୁଟ୍ ଅର୍ଥରେ ସରକାରୀ ବାବୁ ରାଜ୍ୟ ବାହାରକୁ ବୁଲିବାକୁ ଯାଉଛନ୍ତି । ଏକ ସାମ୍ବାଦିକ ସମ୍ମିଳନୀରେ ବିଜେପିର ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଅଭିଯୋଗ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ୨୦୧୪ ଡିସେମ୍ବର ୨୭ରେ ସରକାର ଏହି ମିଶନ ବିଷୟରେ ଘୋଷଣା କରିଥିଲେ । କିନ୍ତୁ ଆଳୁ ଉତ୍ପାଦନ ବୃଦ୍ଧି ପାଇନଥିବା ସରକାରୀ ରିପୋର୍ଟରୁ ସ୍ପଷ୍ଟ ହୋଇଛି । ଶୀତଳ ଭଣ୍ଡାର ନାହିଁ ଏବଂ ୩୦୦କୋଟି ଟଙ୍କା ହରିଲୁଟ୍ ହୋଇଛି । ସେହି ଅର୍ଥରେ ସରକାରୀ ଅଫିସରମାନେ ବାହାର ରାଜ୍ୟ ବୁଲିଛନ୍ତି ବୋଲି ବିଜେପି ନେତା ପୃଥ୍ୱୀରାଜ ହରିଚନ୍ଦନ ଅଭିଯୋଗ କରିଛନ୍ତି ।
