ଧରୱାଡ : କର୍ଣ୍ଣାଟକର ଧରୱାଡ ଜିଲା କୁମାରେଶ୍ବର ନଗରରେ ଏକ ନିର୍ମାଣାଧୀନ ସେତୁ ଭୁଶୁଡି ୨ ଜଣଙ୍କର ମୃତ୍ୟୁ ହେବା ସହ ୧୫ଜଣ ଆହତ ହୋଇଛନ୍ତି। ଭଗ୍ନାବଶେଷ ମଧ୍ୟରେ ଆହୁରି ୪୦ଲୋକ ଚାପି ହୋଇ ରହିଥିବା ଆଶଙ୍କା କରାଯାଇଛି। ବିଭିନ୍ନ ଉଦ୍ଧାରକାରୀ ଦଳ ପକ୍ଷରୁ ମିଳିତ ଭାବେ ଉଦ୍ଧାରକାର୍ଯ୍ୟ ଜାରି ରହିଛି। ରିପୋର୍ଟ ଅନୁଯାୟୀ ଜିଲା ପ୍ରଶାସନ, ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛନ୍ତି। ଆହତମାନଙ୍କୁ ଧରୱାଡ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି। କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀ ଏହି ଘଟଣାରେ ଦୁଃଖ ପ୍ରକାଶ କରିବା ସହିତ ଉଦ୍ଧାରକାର୍ଯ୍ୟ ତଦାରଖ ଲାଗି ମୁଖ୍ୟ ଶାସନ ସଚିବଙ୍କୁ ନିର୍ଦେଶ ଦେଇଛନ୍ତି। ସେତୁଟିର ନିର୍ମାଣ କାର୍ଯ୍ୟ ଦୁଇବର୍ଷ ହେଲା ଚାଲୁ ରହିଥିଲା। ନିର୍ମାଣ କାର୍ଯ୍ୟ ସମୟରେ ୧୫୦ ଶ୍ରମିକ କାର୍ଯ୍ୟରତ ଥିଲେ।
Popular Categories
Previous article
Next article