ନୂଆଦିଲ୍ଲୀ : ଲୋକସଭା ନିର୍ବାଚନ-୨୦୧୯ ପାଇଁ ଡିଏମ୍କେ ଓ ଏଆଇଏଡିଏମ୍କେ ପକ୍ଷରୁ ମଙ୍ଗଳବାର ନିର୍ବାଚନୀ ଇସ୍ତିହାର ପ୍ରକାଶ ପାଇଛି। ଉଭୟ ଦଳ ନିଜ ନିଜର ଇସ୍ତିହାରରେ ଭେଷଜ ପାଠ୍ୟକ୍ରମ ପ୍ରବେଶିକା ପରୀକ୍ଷା ପାଇଁ ଉଦ୍ଦିଷ୍ଟ ଜାତୀୟ ଯୋଗ୍ୟତା ତଥା ପ୍ରବେଶିକା ପରୀକ୍ଷା (ନିଟ) ଉଚ୍ଛେଦ କରିବାକୁ ପ୍ରତିଶ୍ରୁତି ଦେଇଛନ୍ତି। ଏଥିସହ କ୍ଷମତାକୁ ଆସିଲେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟାକାରୀଙ୍କୁ ମୁକ୍ତ କରିବେ ବୋଲି ଦୁଇ ଦଳ କହିଛନ୍ତି। ଡିଏମ୍କେ ପକ୍ଷରୁ ଦଳୀୟ ମୁଖ୍ୟ ଏମ. କେ. ଷ୍ଟାଲିନ ଓ ଏଆଇଏଡିଏମ୍କେ ପକ୍ଷରୁ ତାମିଲନାଡୁ ଉପମୁଖ୍ୟମନ୍ତ୍ରୀ ପନୀରସିଲଭମ ଚେନ୍ନାଇଠାରେ ଏହି ଇସ୍ତିହାର ପ୍ରକାଶ କରିଛନ୍ତି। ତାମିଳନାଡୁରେ ୩୯ଟି ଲୋକସଭା ଆସନ ଥିବା ବେଳେ ୨୦୧୪ରେ ଏଆଇଏଡିଏମକେ ୩୭ଟିରେ ବିଜୟୀ ହୋଇଥିଲା। ଚଳିତ ବର୍ଷ ଉଭୟ ଦଳ ମଧ୍ୟରେ ଆସନ ବୁଝାମଣା ହୋଇଛି। ରାଜ୍ୟରେ ଏପ୍ରିଲ ୧୮ରେ ଗୋଟିଏ ପର୍ଯ୍ୟାୟରେ ମତଦାନ ହେବ।
